Dziŭnyja niesupadzieńni ŭ historyi pra «dyviersantaŭ» na Branščynie

Pieršaje paviedamleńnie ab praniknieńni dyviersantaŭ u Branskuju vobłaść źjaviłasia ŭ telehram-kanale hubiernatara vobłaści Alaksandra Bahamaza ŭ 11:29 pa maskoŭskim časie. Na jaho spasłalisia ahienctvy i telehram-kanały. Paśla hetaha pajšli paviedamleńni pra uvachod dyviersantaŭ u vioski Sušany i Lubiačany, pra abstreły, zachop zakładnikaŭ i pierastrełki z vybuchami, jakija praciahvalisia amal dźvie hadziny.

Pra zachop zakładnikaŭ i bai za ich vyzvaleńnie paviedamili niekalki vajenkaraŭ, ŚMI i telehram-kanałaŭ. Adnak pry hetym u samich Sušanach pra zachop zakładnikaŭ nie čuli.

Ni padčas mierkavanych padziej, ni praź niekalki hadzin nie źjaviłasia nivodnaha videazapisu, choć ŚMI aktyŭna spasyłalisia na miascovych vidavočcaŭ, jakija ŭsio nibyta bačyli na svaje vočy. Zvyčajna padčas takich padziej vielmi chutka źjaŭlajucca videazapisy z momantam napadu.

Adnak krynicy «Možam patłumačyć» u fiederalnych ŚMI paviedamili, što ich kiraŭnictva vyrašyła nie adpraŭlać karespandentaŭ na miesca padziej.

Siarod paviedamleńniaŭ ad vidavočcaŭ varta źviarnuć uvahu na post, u jakim miascovaja žycharka apisvaje «dyviersantaŭ» jak mužčyn u čornaj formie sa zbrojaj i žoŭtymi paviazkami.

Praź niekatory čas tyja ž kanały pakazali videazapis zvarotu «Ruskaha dobraachvotnickaha korpusa» i fatahrafii nibyta ź miesca padziej ź siała.

Ale na hetych videa i zdymkach usie apranutyja ŭ biełuju ci zialonuju formu.

Pa telehram-kanałach razyšłosia paviedamleńnie pra abstralanuju mašynu ź niekalkim dziećmi i ranieńnie ŭ hrudzi 10-hadovaha chłopčyka Fiedzi. U paviedamleńni kanała Mash fielčarka, jakaja nibyta ŭciakła z zakładnikaŭ, raspaviadajučy pra hetuju historyju, zhadała pra vajskoŭcaŭ u bałakłavach.

Inšyja miedyja paviedamlali pra ranieńnie i navat hibiel dziaŭčynki, ale ŭžo z abstralanaha aŭtobusa.

Kanał VČK-OHPU datelefanavaŭsia da dziaŭčynki Złaty ź nibyta abstralanaj mašyny. Jana skazała, što bačyła vajskoŭcaŭ u biełaj i zialonaj formie. Pavodle jaje słoŭ, jany nie stali ničoha rabić, a skazali dzieciam: «Biažycie i chavajciesia». Taksama VČK-OHPU pahavaryŭ ź miascovymi žycharami, jakija paviedamili, što vajskoŭcy zahnali ŭsich u damy, «pastralali ŭ pavietra, paŭzryvali niešta i syšli», ale pra zachop zakładnikaŭ nie čuli. Pry hetym, dyviersanty sprabavali paviesić ściah, ale nie zmahli.

Centr hramadskich suviaziaŭ FSB zajaviŭ, što razam ź siłami Minabarony «pravodziacca mierapryjemstvy pa źniščeńni ŭzbrojenych ukrainskich nacyjanalistaŭ, jakija parušyli dziaržaŭnuju miažu». Ale miascovyja žychary raspaviali, što nijakich śpiecsłužbaŭ jany nie bačyli i nie mahli ni da kaho datelefanavacca.

Urešcie, navat vajenkary pryznajuć, što dziejańni «Ruskaha dobraachvotnickaha korpusa» vyhladajuć dziŭnymi i niełahičnymi. Vajskovy analityk Michaił Zinčuk u svaim telehram-kanale vykazaŭ zdahadku, što

adzinaja meta vyłazki — heta pijar Dobraachvotnickaha korpusa, jaki nie byŭ nikoli zaŭvažany ni ŭ jakich aktyŭnych bajavych dziejańniach, a isnavaŭ tolki na papiery.

U svaju čarhu, FSB Rasiei paviedamiła, što «ŭ vyniku pryniatych mier vyłazka ŭkrainskich nacyjanalistaŭ u Klimaŭskim rajonie Branskaj vobłaści spynienaja. Kab paźbiehnuć achviar z boku mirnaha nasielnictva i naniasieńnia škody abjektam hramadzianskaj infrastruktury praciŭnik vycisnuty na terytoryju Ukrainy, dzie pa im naniesieny masiravany artyleryjski ŭdar».

Čytajcie taksama:

«Nas na hetaj zadačy było 45 čałaviek». «Važnyja historyi» pahutaryli z adnym z bajcoŭ «Ruskaha dobraachvotnickaha korpusa»

«Bojciesia svaich partyzan». U ofisie prezidenta Ukrainy prakamientavali situacyju ŭ Branskaj vobłaści

«Padnimajcie bunt». Adkaznaść za padziei ŭ Branskaj vobłaści ŭziaŭ na siabie «Ruski dobraachvotnicki korpus»

U roznych haradach Rasii — vybuchi, ataki bieśpiłotnikaŭ, navat «praniknieńnie DRH»

• 2
• 0
• 52
• 8
• 3
• 2
• 5
• 0