«Padnimajcie bunt». Adkaznaść za padziei ŭ Branskaj vobłaści ŭziaŭ na siabie «Ruski dobraachvotnicki korpus»
Siońnia rasijskija ŚMI i błohiery pościli supiarečlivuju infarmacyju pra bai ŭ Branskaj vobłaści, DRH i zakładnikaŭ. Jana ŭžo častkova abvierhnutaja. Ciapier źjaviłasia zajava «Ruskaha dobraachvotnickaha korpusa».
U internecie źjaviłasia videa, na jakim dvoje mužčyn z adkrytymi tvarami śćviardžajuć, što jany pradstaŭniki «Rasijskaha dobraachvotnickaha korpusa» i pierajšli miažu Ukrainy i Rasii, kab zmahacca za svabodu Rasii.
Jany zajaŭlajuć, što nie vajujuć ź mirnymi ludźmi i zaklikali rasijan: «Padnimajcie bunt».
Videa zapisanaje na fonie šyldy FAPa ŭ vioscy Lubiečany Branskaj vobłaści.
Pucin u suviazi ź situacyjaj u Branskaj vobłaści nie pajedzie ŭ Staŭrapolski kraj, jak było zapłanavana raniej, zajaviŭ jaho pres-sakratar Dźmitryj Piaskoŭ.
U Pahraničnaj słužbie Ukrainy i ŭ Apieratyŭnym kamandavańni «Poŭnač» USU paviedamili, što nie vałodajuć infarmacyjaj pra «ŭkrainskija DRH» u Branskaj vobłaści. Va USU nahadali pra mahčymyja pravakacyi dla dyskredytacyi Sił abarony Ukrainy.
«Rasijski dobraachvotnicki korpus» isnuje z 2022 hoda i abjadnoŭvaje emihrantaŭ z Rasii. Ideałohija korpusa — rasijskaja nacyjanalistyčnaja. Kolkaść jaho bajcoŭ nieviadomaja.
Ciapier čytajuć
«Kajłas, ja idu». Što za biełaruska źnikła ŭ žudasnym sieli ŭ Niepale12
Kamientary