U roznych haradach Rasii — vybuchi, ataki bieśpiłotnikaŭ, navat «praniknieńnie DRH»
U roznych riehijonach Rasii źjaŭlajucca paviedamleńni pra vybuchi, abstreły, bieśpiłotniki i navat DRH.
Hubiernatar Branskaj vobłaści Alaksandr Bahamaz paviedamiŭ ab praniknieńni ŭkrainskich dyviersantaŭ na terytoryju rehijona.
«Siońnia z Ukrainy na terytoryju Klimaŭskaha rajona ŭ siało Lubiačanie pranikła DRH. Dyviersanty ździejśnili abstreł aŭtamabila, jaki ruchaŭsia. U vyniku abstrełu adzin žychar zahinuŭ, paranienaje dziesiacihadovaje dzicia», — napisaŭ Bahamaz.
Taksama jon paviedamiŭ, što Klimaŭski rajon Branskaj vobłaści atakavali ŭkrainskija bieśpiłotniki.
«U vyniku skidu z BPŁA zahareŭsia žyły dom u vioscy Sušany», — napisaŭ hubiernatar Bahamaz.
Pavodle jaho ž, siało Łamakaŭka trapiła pad minamiotny abstreł. Paškodžanyja dva damy, paciarpiełych niama.
Kurski hubiernatar Raman Staravojt paviedamiŭ, što pasiołak Ciotkina pablizu miažy z Ukrainaj trapiŭ pad abstreł USU.
U Tulskaj vobłaści siońnia niešta mocna vybuchnuła, utvaryłasia varonka hłybinioj paŭmietra. Žychary pasiołka Biarozaŭski, dzie ŭsio adbyłosia, śćviardžajuć, što ad vybuchu ažno zatreślisia damy. Vybuch prahučaŭ kala 8-j hadziny ranicy. Miarkujecca, što vybuchnuŭ bojeprypas, padrabiaznaściaŭ niama.
U Krymie dva bieśpiłotniki ŭpali na terytoryi voinskaj čaści, pišuć telehram-kanały. Bieśpiłotniki ŭpali ŭ noč na 1 sakavika na terytoryi voinskaj čaści 81415 u Sakskim rajonie Kryma. Hetaja čaść stvoranaja ŭ 2015 hodzie na bazie Centra dalokaj kaśmičnaj suviazi.
Ciapier čytajuć
Pamiłavanyja 15 čałaviek, siarod jakich 13 palitviaźniaŭ10
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary