Hałoŭny redaktar «Rehijanalnaj haziety» nie vyjšaŭ na volu paśla 72 hadzin aryštu
Hałoŭny redaktar «Rehijanalnaj haziety» Alaksandr Mancevič čaćviortyja sutki znachodzicca ŭ maładziečanskim izalatary časovaha ŭtrymańnia.
Jon nie vyjšaŭ na volu paśla 72 hadzin z momantu zatrymańnia. Pra heta paviedamiła ŭ fejsbuku jahonaja dačka Nasta Mancevič.
«Što kankretna jamu pradjaŭlajuć, nieviadoma. Pieradaču siońnia ŭziali», — napisała jana.
Ranicaj 15 sakavika adbyŭsia vobšuk u domie Alaksandra Manceviča ŭ Vilejcy. Paźniej stała viadoma, što mužčyna znachodzicca ŭ izalatary časovaha ŭtrymańnia.
15 sakavika taksama prajšoŭ pieratrus u redakcyi słuckaha vydańnia «Infa-Kurjer». Zatrymali hałoŭnaha redaktara Siarhieja Stankieviča, a taksama Hleba Rulova i Aleha Rubčeniu. 17 sakavika Siarhieja Stankieviča i Aleha Rubčeniu asudzili na 15 dzion aryštu kožnaha za nibyta niepadparadkavańnie pry zatrymańni.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary