Siońnia zaviaršyŭsia sud nad hałoŭnym redaktaram i ŭładalnikam słuckaj niezaležnaj haziety «Infa-Kurjer» Siarhiejem Stankievičam i jaho namieśnikam Aleham Rubčeniem. Jak stała viadoma Biełaruskaj asacyjacyi žurnalistaŭ, supracoŭnikam vydańnia pryznačyli pa 15 sutak kožnamu za niepadparadkavańnie pry zatrymańni.
Jak paviedamiła BAŽ, sud prachodziŭ u Słuckim RAUS. Rodnych i kaleh na pasiadžeńnie nie puścili. U zale prysutničała tolki advakat.
Vinu zatrymanyja nie pryznali.
Nahadajem, 15 sakavika siłaviki praviali pieratrus u redakcyi «Infa-Kurjera», zabrali asnoŭnuju techniku, a z prysutnych uziali padpisku ab nierazhałošvańni. Na nastupny dzień nakład haziety admaŭlalisia prymać kramy «Biełsajuzdruka». Hałoŭny redaktar i ŭładalnik haziety Siarhiej Stankievič, a taksama jaho namieśnik Aleh Rubčenia byli źmieščanyja ŭ miascovy IČU.
Siońnia redakcyja paviedamiła, što numar haziety«Infa-Kurjer» ad 16 sakavika zaraz znoŭ možna nabyć u šapikach «Biełsajuzdruka».
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary