Mahčyma, niechta dumaje, što heta tema nie dla publičnaha abmierkavańnia, ale jana zakranaje kožnaha z nas. Jak ža časta treba mianiać paściel?
Daśledavańnie pakazała, što ŭ ludziej niama na heta adnolkavaha adkazu, ale novaje apytańnie, jakoje było praviedziena siarod 2250-ci darosłych žycharoŭ Vialikabrytanii, vyjaviła jašče adno razychodžańnie.
Amal pałova adzinokich mužčyn zajaviła, što nie myje svaje prościny da čatyroch miesiacaŭ zapar, pry hetym 12 pracentaŭ dadali, što robiać heta ŭvohule tolki tady, kali zhadvajuć, a, značyć, moža być jašče daŭžej.
«Nasamreč heta nie vielmi dobraja ideja, — kaža doktar Lindsi Braŭninh, dypłamavany psichołah, niejrabijołah i ekśpiert pa śnie. — Adzinokija žančyny mianiajuć paściel čaściej: 62 pracenty robiać heta kožnyja dva tydni, a tyja, chto žyvie ŭdvaich — adzin raz na try tydni».
Čamu ŭvohule treba čaściej mianiać paściel?
Doktar kaža, što my pavinny mianiać prościny raz na tydzień abo, samaje bolšaje, raz na dva tydni.
«Hihijena — važny faktar, i adnoj z pryčyn dla bolš častaj źmieny paścieli źjaŭlajecca pot. Kali vy kali-niebudź spali ŭ mocnuju śpiakotu, to viedajecie, jak heta moža być niazručna. Pot pranikaje ŭ prościny, z-za čaho jany nie tolki niepryjemna pachnuć, ale i chutka stanoviacca brudnymi, — padkreślivaje doktar Braŭninh. — Nam patrebna śviežaje pavietra, kab adčuvać siabie dobra padčas snu, bo mienavita ŭ takich umovach lepiej zasynać».
Ale pot — heta nie adzinaja prablema. Našy ŭłasnyja admierłyja kletki skury, ad jakich my pazbaŭlajemsia padčas snu, taksama vyklikajuć niepakoj. Kali vy niedastatkova časta myjecie svaje prościny, na ich buduć nazapašvacca admierłyja kletki vašaj skury. Heta aznačaje, što maleńkija istoty, viadomyja jak paścielnyja klaščy, mohuć charčavacca hetymi kletkami, vyklikajučy dyskamfort i syp.
Ci ŭpłyvaje na heta siezon hoda? Tak.
«Heta moža być krychu lahčej zimoj, — supakojvaje doktar Braŭninh, — ale raz na tydzień «mianiać» łožak było b idealna. Niahledziačy na toje, što zimoj my mienš paciejem, my ŭsio adno pazbaŭlajemsia ad admierłych kletak skury. Tamu, kali vy robicie heta mienš, čym raz na dva tydni, heta ŭžo nie vielmi dobra».
U chodzie apytańnia 18 pracentaŭ udzielnikaŭ skazali, što prymajuć duš uviečary, kab prościny nie peckalisia, i nazvali heta pryčynaj taho, čamu jany nie mianiajuć paściel rehularna.
Leta, pa słovach doktara, prynosić dadatkovuju prablemu ŭ vyhladzie siannoj lichamanki i pyłku. Sapraŭdy važna rehularna myć prościny, tamu što ŭ łožak traplajuć hetyja alerhieny i pieraškadžajuć dobramu dychańniu.
Padviadziom vyniki: niapamiatlivaść (67%), adsutnaść kłopatu (35%) i adsutnaść inšych čystych paścielaŭ (22%) — voś niekalki pryčyn, praź jakija ludzi kažuć, što jany nie mianiajuć svaju paściel čaściej, pry hetym 38 pracentaŭ apytanych zajavili, što jany nie ličać, što heta treba rabić tak časta.
Doktar Braŭninh nastojvaje, što vaša spalnia pavinna być «prytułkam dla snu i pryjemnym miescam, dzie my budziem adčuvać siabie ščaślivymi».
Ludzi, jakija majuć prablemy sa snom, kažuć: «Kali vašy prościny nie pamytyja i vyhladajuć brudnymi, jany niepryjemna pachnuć, heta ŭzmacniaje adčuvańnie, što vaš łožak — heta nie toje miesca, dzie vy chacieli b spać».
«Kali my kładziomsia ŭ łožak, to adčuvajem siabie rassłablenymi, nam vielmi kamfortna, i ŭ dadatak śviežy pach novaj paścieli dapamahaje nam adčuvać siabie spakojnymi i ščaślivymi», — padahulniaje doktar.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
byccam by ja nie viedaju, jak husary mianiajuć i što - škarpetki (džynsy i t.d., i t.p.) - karystajucca, pakul tyja nie stanuć zusim brudnymi, potym vyviernuć šyvarat-navyvarat i tak šče karystajucca. a potym vykidvajuć i kuplajuć novyja
dyk marš u škołu! u pieršy kłas