«Padryvaŭ aŭtarytet uładaŭ». Vyniesieny pieršy prysud pa spravie ab zavyšeńni cen
U Mahilovie zaviaršyŭsia sud nad dyrektaram kramy, jaki, pa viersii abvinavačvańnia, nieabhruntavana, «naŭmysna i z karyślivych mierkavańniaŭ» pavysiŭ canu syru, čym «padryvaŭ aŭtarytet orhanaŭ ułady». Heta pieršy prysud pa spravie ab parušeńni maratoryja na pavyšeńnie cen u Biełarusi, źviartaje ŭvahu Officelife.media.
Na łavie padsudnych apynuŭsia 46-hadovy mahiloviec, dyrektar tavarystva z dadatkovaj adkaznaściu. Jon maje nievialiki siamiejny biznes — sielski mahazin u pryharadzie Mahilova. Kali ŭstupili ŭ siłu dyrektyva № 10 i pastanova Saŭmina «ab časovych mierach pa stabilizacyi cen», pradprymalnik, viadoma, viedaŭ pra ich sutnaść. Ale niuansy prymianieńnia vyklikali ŭ jaho razhublenaść, jak i ŭ mnohich jurydyčnych asob u tyja dni.
U vyniku 8 kastryčnika cana na syr sułuhuni ad «Babulinaj krynki» ŭ kramie hetaha tavarystva akazałasia vyšejšaj za tuju, jakaja dziejničała 5 kastryčnika. Parušeńnie zaŭvažyła pradstaŭnica rabočaj hrupy pa manitorynhu cen ź miascovaha sielvykankama. Napiaredadni, 7 kastryčnika, jana była ŭ kramie i sfatahrafavała ceńniki. Paraŭnaŭšy ceny da i paśla, žančyna zaŭvažyła, što cana syru vyrasła na 26 kapiejek za kiłahram.
U sudzie śviedka patłumačyła, što infarmacyju pra heta jana pieradała ŭ rajvykankam. Uładalniku kramy zaŭvahi z hetaj nahody nie rabiła, viarnuć stary ceńnik nie patrabavała. Nibyta tak jaje prainstruktavali rajonnyja načalniki.
Na hety fakt źviarnuŭ uvahu i advakat abvinavačanaha, jaki ŭ hetaj spravie spasyłaŭsia na adsutnaść składu złačynstva jak takoha. Pradprymalnik kiravaŭsia prostaj łohikaj: vytvorca adpuściŭ jamu tavar pa novaj canie — adpaviedna, padniaŭ canu i jon.
Akramia taho, abjomy handlu ŭ sielskaj kramie nievialikija, pradprymalnik zamoviŭ i vykłaŭ na pryłavak mienš za dziesiać upakovak syru.
Ahulnaja suma pieravyšeńnia skłała ŭsiaho 78 kapiejek.
Nivodnaja z upakovak jašče nie była pradadzienaja, kali biznesoŭca zatrymali, a ŭsiu jaho majomaść aryštavali.
U vyniku ŭ chodzie sprečak abvinavačvańnie zapytała dla abvinavačanaha najmienšaje pakarańnie, praduhledžanaje č. 2 art. 424 («złoŭžyvańnie słužbovymi paŭnamoctvami pry farmiravańni roźničnych cen»), — dva hady pazbaŭleńnia voli z adterminoŭkaj na hod.
Kali ciaham hetaha času mužčyna nie budzie parušać zakon, prysud nie budzie pryvodzicca ŭ vykanańnie. Sud z hetym pahadziŭsia, a taksama nie staŭ pryznačać abvinavačanamu štraf. Adnak dyrektar TDA pazbaŭleny prava zajmać peŭnyja pasady.
-
Łatuška pra mahčymaść vajny ŭ Biełarusi: Heta ž varjactva, nie ŭjaŭlaju, jak kramloŭskaja prapahanda budzie tłumačyć heta
-
«Da kanca hoda, spadziajusia, zmožam realizavać adnu-dźvie rečy». Babaryka — pra svoj novy prajekt i biełaruskuju movu
-
Čamu na kanfierencyi «Novaja Biełaruś» nie było Siarhieja Cichanoŭskaha?
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»23
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary