«Kiejs Sachaščyka»: a kolki jašče pałkoŭnikaŭ i hienierałaŭ biełaruskaj armii majuć pad paduškaj rasijski pašpart?
Učora vyśvietliłasia, što Valeryj Sachaščyk, «ministr abarony» ŭ pierachodnym kabiniecie Śviatłany Cichanoŭskaj, atrymaŭ rasijski pašpart paśla razvału SSSR jak vajskoviec, a ŭ nastupnym karystaŭsia im u pieryjad aktyŭnaha biznesu ŭ Afrycy, kali ŭžo daŭno nie słužyŭ. Ale viedańnie hetaha fakta naradžaje inšaje pytańnie — a kolki dziejnych pałkoŭnikaŭ łukašenkaŭskich uzbrojenych siłaŭ trymajuć rasijskija pašparty pad paduškaj? Voś što kažuć apytanyja «Našaj Nivaj» aficery.
Ciapier vałodać rasijskimi pašpartami mohuć tyja biełaruskija aficery, jakija pačynali słužbu za časami SSSR. A heta značyć, što ad padpałkoŭnikaŭ (kali nie paščaściła) da hienierałaŭ. Usio vysokapastaŭlenyja kadry.
Namieranaj raboty pa vyjaŭleńni ŭłaśnikaŭ rasijskich pašpartoŭ kontrvyviedkaj i słužbami ŭłasnaj biaśpieki biełaruskich siłavych viedamstvaŭ, kažuć našy surazmoŭcy, nie viadziecca.
Zbolšaha pra takija vypadki, jak i z Sachaščykam, stanovicca viadoma vypadkova.
«U MUS takich sprabavali vyjaŭlać i vyciskać ź viedamstva, dakładna pamiataju adzin momant sa zvalnieńniem pałkoŭnika sa štaba MUS, jaki atrymaŭ rasijskaje hramadzianstva ŭ 1993-m, kali byŭ vajskoŭcam. Pravodziłasia doŭhaja pravierka zakonnaści atrymańnia rasijskaha hramadzianstva i aficyjnaja vysnova stała takoj: pašpart RF i znachodžańnie na słužbie ŭ orhanach unutranych spraŭ niesumiaščalnyja.
Ale tut jość niuans, što jon vypadkova sam vydaŭ hety momant svajoj bijahrafii. Realnaść ža nastupnaja — nichto metava rasijskaje hramadzianstva nie vyjaŭlaje. Hałoŭnaje, kab nie było karty palaka, voś u hety bok Upraŭleńnie ŭłasnaj biaśpieki ryje», — skazaŭ nam vysokapastaŭleny milicyjanier.
«Da kanca nulavych praskokvali vypadki, što zvalniali tych, u kaho vyjaŭlali rasijski pašpart. Viedaju pra vypadkovyja vyjaŭleńni. Kali chto razumny, to jany, peŭna, zrabili vysnovy i zacicharylisia. A Sachaščyka nie asudžaju, ja tak razumieju, što na momant pieravydańnia pašparta jon u krainie nie žyŭ, u vojsku nie słužyŭ, zajmaŭsia biznesam i karystaŭsia čužym pašpartam u biznes-intaresach», — skazaŭ inšy aficer.
Našy surazmoŭcy kažuć, što praź niedasiažnaść rasijskich pašpartnych baz vyjavić kolkaść aficeraŭ-«rasijanaŭ» niemahčyma, usio tolki ŭ teoryi.
«U nas šmat chto z byłych afarmlajuć VNŽ u Rasii, kab atrymlivać vajskovuju piensiju tam. U bolšaści na hetym momancie ničoha nie jokaje. Dumaju, što takich, chto trymaje pad paduškaj rasijski pašpart na ŭsialaki vypadak, — niamała.
Pieravažna ŭsie jany ŭ Hienštabie i centralnym aparacie Ministerstva abarony, sychodziačy z mahčymaściaŭ pa ŭzroście. Dumaju, dobra było b pravieryć na fakt najaŭnaści rasijskaha pašparta spadara Biełakonieva. Zrešty, viadomyja vypadki, što asobnyja aficery kirujučych vajskovych orhanaŭ pryjazdžajuć na rabotu na mašynie z rasijskimi numarami», — skazaŭ vysokapastaŭleny vajenny.
«U cełym ź isnaj sistemaj ničoha niezvyčajnaha ŭ pryviazanaści da Rasii niama. Dla aficerščyny heta i idał, i karmicielka. Kali byli kryzisy dy devalvacyi, u Rasiju mnohija źjazdžali prosta na pracu, pasłaŭšy słužbu. Dachodziła da taho, što žonki aficeraŭ prynosili raparty, śpiecsrodki, paśviedčańnie słužbovaje, materyjały, a na pytańnie, dzie muž, adkazvali, što ŭžo kolki dzion, jak u Smalensku na budoŭli, bo žyć niama za što», — skazaŭ jašče adzin naš surazmoŭca.
«Naša Niva» spytała ŭ pradstaŭnikoŭ «Bajpoł», ci aceńvali jany kolkaść hramadzian Rasii ŭ vyšejšych ešałonach siłavikoŭ, ale jany skazali, što nie majuć takoj infarmacyi, dapuściŭšy, što «takich niamała».
Ciapier čytajuć
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ8
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ66
Kamientary
Darečy - dobra što heta ŭskryli. Heta śviedčyć jakaja nasamreč naša armija, milicyja i hebe