Hetaja pieśnia pa-ŭkrainsku zavirusiłasia ŭ tyktoku. Akazvajecca, napisaŭ jaje biełarus
Pieśnia «Harno tak» na ŭkrainskaj movie stała chitom u tyktoku. Jaje aŭtar — biełaruski śpiavak, jaki raniej sprabavaŭ prabicca na «Jeŭrabačańnie».
Uład Čyžykaŭ, jaki ciapier vystupaje jak CHEEV, rodam z Babrujska. Pa adukacyi jon vykładčyk bałharskaj movy i litaratury. Vystupaŭ u hurcie «Radiovołna», ź jakim udzielničaŭ ŭ finale biełaruskaha nacadboru na «Jeŭrabačańnie» ŭ 2016 i 2018 hadach.
Udzielničaŭ u roznych muzyčnych šou — «Akademija talentaŭ» na ANT, ukrainskim «Ch-Faktary» i «Hołasie» (na apošnim jaho nastaŭnikam staŭ Dan Balan).
Apošnija dva hady śpiavak zapisvaŭ pieśni, u tym liku pa-ŭkrainsku. «Harno tak» jon vypuściŭ u kancy minułaha hoda. Klip na hetuju pieśniu sabraŭ 4,7 miljona prahladaŭ.
Kamientary