Tureckaja kampanija Baykar Makina pieradaść Ukrainie «Bajraktar», na jaki sabrali hrošy ŭ Polščy, biaspłatna
Pra toje, što Baykar vyrašyŭ admovicca ad hrošaj, paviedamiŭ arhanizatar akcyi, polski žurnalist Słavamir Sierakoŭski. Raniej kampanija rabiła anałahičny krok paśla paśpiachovych narodnych zboraŭ srodkaŭ na bieśpiłotniki ŭ Litvie i Ukrainie.
«My chočam być častkaj hetaha čałaviečaha žestu salidarnaści i robim prapanovu. U ramkach vašaj akcyi my biaspłatna pieradadzim ŭkraincam bieśpiłotnik Bayraktar TB2, kab jany lepš abaraniali svaju Radzimu», — havorycca ŭ paviedamleńni Baykar Makina.
Usiaho ŭ Polščy na «Bajraktar» sabrali 22,5 młn złotych (kala 5 młn dalaraŭ).
Udzieł u zbory brali i biełarusy, jakija žyvuć u hetaj krainie. Biełaruski ŭniosak, jaki ŭličvaŭsia praz asobnuju skarbonku — 89300 złotych (bolš za 19 tys. dołaraŭ). Paŭdzielničali bolš za 700 čałaviek.
Sabranyja srodki buduć ciapier pieradadzienyja na humanitarnyja mety i na padtrymku Uzbrojenych siłaŭ Ukrainy. Na što mienavita jany pojduć, arhanizatary zboru pakul nie vyznačylisia.
Ciapier čytajuć
Kačanava prapanavała ŭvieści adkaznaść za «niapraŭdu ŭ tyktoku»11
Kačanava prapanavała ŭvieści adkaznaść za «niapraŭdu ŭ tyktoku»
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary