Były prezident Ukrainy Piatro Parašenka pozna ŭviečary 27 maja znachodziŭsia na punkcie pierasiačeńnia dziaržaŭnaj hranicy ŭ Lvoŭskaj vobłaści. Adnak vyjechać z Ukrainy jamu nie dali.
U jaho kamandzie zajaŭlajuć, što palityk jechaŭ u Vilniu dla ŭdziełu ŭ štohadovym pasiadžeńni Parłamienckaj asamblei NATA. Partyja «Jeŭrapiejskaja salidarnaść» śćviardžaje, što rasparadžeńnie ab kamandziroŭcy Parašenki padpisaŭ staršynia Viarchoŭnaj rady Rusłan Stefančuk.
Paplečnica Parašenki Iryna Hieraščanka zajaviła, što admova vyjezdu z Ukrainy śviedčyć ab najaŭnaści va ŭładzie «čornych śpisaŭ», tamu što skład delehacyi dla ŭdziełu ŭ parłamienckaj asamblei NATA byŭ zaćvierdžany zahadzia, i astatnim delehatam pamiežniki dazvolili vyjechać.
23 maja Słužba biaśpieki Ukrainy apublikavała dopyt Viktara Miedźviedčuka, jaki padazrajecca ŭ dziaržaŭnaj zdradzie za niezakonnuju kantrabandu vuhalu i supracoŭnictva z prarasijskimi bajevikami ŭ Danbasie. Miedźviadčuk zajaviŭ, što ŭsie schiemy i pracesy ŭzhadnieńnia niezakonnaha supracoŭnictva asabista Parašenka praź ludziej sa svajho atačeńnia.
Ciapier čytajuć
«Dzied budzie hladzieć asabista. Kali jamu spadabajecca…» Ziankovič raskazaŭ, jak ź im zapisvali pieršaje intervju ŭ SIZA KDB1
Kamientary