Kachańnie i seks

Abdymacca ranicaj karysna dla zdaroŭja. Ciapier heta paćvierdzili i navukoŭcy

Abdymki z žonkaj ci partniorkaj — napeŭna, apošniaje, pra što dumajuć niekatoryja mužčyny ŭ ranišniaj śpiešcy. Ale, jak vyśvietlili vučonyja, hety žest nie varta niedaaceńvać.

Fota: pixabay.com

Pavodle daśledavańniaŭ, ranišnija abdymki mohuć zaścierahčy ad pačućcia stresu, jakoje moža raźvicca na praciahu dnia. Asabliva heta aktualna dla žančyn, piša The Times.

Daśledčyki z Hiermanii i Niderłandaŭ uziali 36 par z roznapałavymi partniorami ŭzrostam ad 19 da 32 hadoŭ i praviali nad imi ekśpierymient, pryznačany dla pavyšeńnia ich uzroŭniu kartyzołu — harmonu, źviazanaha z pačućciom stresu. Udzielnikam prapanavali trymać adnu ruku ŭ viadry z vadoj sa ldom i pry hetym pastajanna hladzieć u kamieru. Da i adrazu paśla hetaj niepryjemnaj pracedury, a taksama praz 15 i 25 chvilin paśla jaje va ŭdzielnikaŭ adbirali ślinu, kab pa ŭzroŭniu kartyzołu pabačyć, nakolki ciažkim byŭ dla ich hety vopyt.

Častcy par prapanavali pierad tym, jak apuskać ruki ŭ vadu, adbymacca na praciahu 20 siekund, inšyja ž pary nie mieli takoj mahčymaści. U vyniku praz 25 chvilin paśla pracedury ŭ žančyn, jakija abdymali partniora pierad apuskańniem ruki ŭ vadu, uzrovień harmonu stresu byŭ na 29% nižejšy, čym u tych, chto abyšoŭsia biez abdymkaŭ. Siarod mužčyn takoj zaležnaści nie nazirałasia.

Daśledčyki, čyju pracu apublikavali ŭ anłajn-časopisie Plos One, pryjšli da nastupnaj vysnovy: «U žančyn karotkaterminovyja abdymki pierad stresavymi sacyjalnymi situacyjami, takimi jak ekzamieny ci stresavyja surazmoŭi, mohuć źnizić u takoj situacyi vydzialeńnie kartyzołu».

Pakul niezrazumieła, ci buduć hetak ža dziejničać adbymki ŭ vypadku z adnapołymi parami ci ź blizkimi siabrami. Taksama daśledčyki miarkujuć, što praviły sacyjalnaj dystancyi padčas pandemii kavidu mahli vyklikać pavyšany ŭzrovień stresu ŭ ludziej praz abmiežavańni na fizičny kantakt.

Statystyka: siemji radziej raspadajucca ŭ tych parach, jakija da šlubu nie žyli razam

Samymi seksualnymi ŭ śviecie ciapier ličacca mužčyny 50+

Kamientary

Ciapier čytajuć

Izrail pačaŭ novuju chvalu ŭdaraŭ pa Iranie3

Izrail pačaŭ novuju chvalu ŭdaraŭ pa Iranie

Usie naviny →
Usie naviny

Cichanoŭskaja pra kiejs Mielnikavaj: Situacyja strašnaja32

U Polščy zatrymali afhanca, jaki dumaŭ, što jon u Paryžy. Tak jamu skazaŭ pravadnik, što supravadžaŭ ad miažy Biełarusi3

Jakija časy, takija i prezienty: u biełaruskich aptekach možna nabyć padarunkavyja siertyfikaty1

Izrail zadziejničaŭ dla ŭdaraŭ pa Iranie 200 samalotaŭ2

Iran zapuściŭ 100 dronaŭ pa Izraili3

Tramp adreahavaŭ na avijaŭdary Izraila pa Iranie2

U Maskvie znajšli 69-hadovaha biełarusa, jaki byŭ u rabstvie ŭ «pracoŭnym domie»26

U chodzie ŭdaraŭ Izraila, mierkavana, zahinuŭ načalnik Hienštaba armii Irana1

Biełarus Alaksiej Špileŭski ŭznačalić rasijski «Pary NN» zamiest Viktara Hančarenki2

bolš čytanych navin
bolš łajkanych navin

Izrail pačaŭ novuju chvalu ŭdaraŭ pa Iranie3

Izrail pačaŭ novuju chvalu ŭdaraŭ pa Iranie

Hałoŭnaje
Usie naviny →

Zaŭvaha:

 

 

 

 

Zakryć Paviedamić