Cierach: Adzin z partyzanaŭ, što ździajśniali dyviersiju na čyhuncy, ciažka paranieny
Prapahandyst Juryj Cierach z haziety «SB. Biełaruś siehodnia» śćviardžaje, što patrul vajskoŭcaŭ unutranych vojskaŭ ciažka paraniŭ z aŭtamatyčnaj zbroi hramadzianina Biełarusi. Pra heta Cierach napisaŭ u svaim tielehram-kanale. «Naša Niva» pakul nie maje niezaležnaha paćviardžeńnia hetaj infarmacyi. Cieracha raniej łavili na publikacyi zaviedama niepraŭdzivych śćviardžeńniaŭ.
Cierach va ŭłaścivym dziaržaŭnym prapahandystam kplivym styli paviedamiŭ, što dvoje biełarusaŭ, jakija chacieli ździejśnić dyviersiju na čyhuncy, kab zapavolić ruch rasijskaj vajskovaj techniki, padstrelenyja patrulom unutranych vojskaŭ, i adzin ź ich u vielmi ciažkim stanie:
«Adzin, chutčej za ŭsio, sapraŭdy pamre, tam stan zusim ciažki, a voś druhoha, mahčyma, dalečać i adpraviać hadoŭ na 20 strohaha režymu. Vydatna čas praviali, apładziruju», — paviedamiŭ prapahandyst.
Mahčyma, havorka idzie pra vypadak, pra jaki paviedamlałasia 31 sakavika. Jak śćviardžaŭ telehram-kanał @belzhd_live, 30 sakavika na pierahonie Savičy — Biarezina (učastak Asipovičy — Homiel), pablizu prypynačnaha punkta «Babina», byli ŭskrytyja relejnyja šafy (adnu ź ich paśpieli padpalić).
U toj ža čas u lesapałasie niepadalok znachodziłasia patrulnaja hrupa z unutranych vojskaŭ, jakaja adkryła pa partyzanach ahoń z bajavoj zbroi.
Ale telehram-kanał śćviardžaŭ, što im udałosia ad pieraśledu ŭciačy.
Tamu infarmacyja ad dziaržaŭnaha prapahandysta patrabuje dadatkovaha paćviardžeńnia. U Juryja Cieracha reputacyja čałavieka, zdolnaha i da falsifikacyi faktaŭ.
Ciapier čytajuć
U daždžavikach i pa kalena ŭ hrazi. Čynoŭnikaŭ u doždž pahnali na subotnik, sam Łukašenka nie pajšoŭ31
U daždžavikach i pa kalena ŭ hrazi. Čynoŭnikaŭ u doždž pahnali na subotnik, sam Łukašenka nie pajšoŭ
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary