Церах: Адзін з партызанаў, што здзяйснялі дыверсію на чыгунцы, цяжка паранены
Прапагандыст Юрый Церах з газеты «СБ. Беларусь сегодня» сцвярджае, што патруль вайскоўцаў унутраных войскаў цяжка параніў з аўтаматычнай зброі грамадзяніна Беларусі. Пра гэта Церах напісаў у сваім телеграм-канале. «Наша Ніва» пакуль не мае незалежнага пацвярджэння гэтай інфармацыі. Цераха раней лавілі на публікацыі заведама непраўдзівых сцвярджэнняў.
Церах ва ўласцівым дзяржаўным прапагандыстам кплівым стылі паведаміў, што двое беларусаў, якія хацелі здзейсніць дыверсію на чыгунцы, каб запаволіць рух расійскай вайсковай тэхнікі, падстрэленыя патрулём унутраных войскаў, і адзін з іх у вельмі цяжкім стане:
«Адзін, хутчэй за ўсё, сапраўды памрэ, там стан зусім цяжкі, а вось другога, магчыма, далечаць і адправяць гадоў на 20 строгага рэжыму. Выдатна час правялі, апладзірую», — паведаміў прапагандыст.
Магчыма, гаворка ідзе пра выпадак, пра які паведамлялася 31 сакавіка. Як сцвярджаў тэлеграм-канал @belzhd_live, 30 сакавіка на перагоне Савічы — Бярэзіна (участак Асіповічы — Гомель), паблізу прыпыначнага пункта «Бабіна», былі ўскрытыя рэлейныя шафы (адну з іх паспелі падпаліць).
У той жа час у лесапаласе непадалёк знаходзілася патрульная група з унутраных войскаў, якая адкрыла па партызанах агонь з баявой зброі.
Але тэлеграм-канал сцвярджаў, што ім удалося ад пераследу ўцячы.
Таму інфармацыя ад дзяржаўнага прапагандыста патрабуе дадатковага пацвярджэння. У Юрыя Цераха рэпутацыя чалавека, здольнага і да фальсіфікацыі фактаў.
Літва зноў закрывае мяжу з Беларуссю — на нявызначаны тэрмін9
Літва зноў закрывае мяжу з Беларуссю — на нявызначаны тэрмін
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары