Valancin Stefanovič: Ja zapomniŭ heta na ŭsio žyćcio, heta adčuvańnie hodnaści čałaviečaj
Pravaabaronca-palitviazień Valancin Stefanovič dasłaŭ list z-za krataŭ.
Pravaabaronca «Viasny» Valancin Stefanovič dasłaŭ list z-za krataŭ, u jakim jon raspaviadaje pra svoj šlach da biełaruskaj movy, piša «Novy čas».
«Sam ja pa-biełarusku bolš-mienš stała pačaŭ razmaŭlać dzieści z hoda 1996-ha, i biełaruskaja mova, jak dla bolšaści pradstaŭnikoŭ majho pakaleńnia, nie była pieršaj. Ja vučyŭsia ŭ zvyčajnaj minskaj škole i ros u zvyčajnaj siamji inžynieraŭ-budaŭnikoŭ.
Tak atrymałasia, što babuli i dziaduli ŭ vioscy ŭ mianie nie było, i adpaviedna, ja byŭ pazbaŭleny mahčymaści čuć movu ŭ jaje naturalnym asiarodździ. Ale baćki maje vielmi pavažliva zaŭsiody stavilisia da biełaruskaj movy i škadavali, što ŭ nas u BSSR u adroźnieńnie ad inšych savieckich respublik, mova była ŭ zaniapadzie.
Pamiataju, jak niedzie ŭ 1988 hodzie, kali mnie było hadoŭ 15-16, starejšy styječny brat-student pryvioŭ mianie na schod tahačasnaj niefarmalnaj moładzievaj arhanizacyi «Tałaka». Tam ja ŭpieršyniu ŭbačyŭ moładź, jakaja razmaŭlała na pryhožaj biełaruskaj movie!
I heta nie byli nastaŭniki biełaruskaj movy ci dyktary radyjo abo telebačańnia. Ja byŭ prosta šakavany, mianie jak tokam praciała! Ja zapomniŭ heta na ŭsio žyćcio, heta adčuvańnie niejkaha honaru, adčuvańnie hodnaści čałaviečaj.
Nu a potym u 1990-ja ja znajšoŭ sabie biełaruskamoŭnyja moładzievyja asiarodki, a tam i sustreŭ svaju lubuju žonku. U nas było biełaruskamoŭnaje viasielle, a potym źjavilisia biełaruskamoŭnyja dzietki».
Stefanovič taksama adznačaje, što navinaŭ asabliva ŭ jaho niama, 14 sakavika čakaje praciahnieńnia terminu ŭtrymańnia pad vartaj. Nijakich śledčych dziejańniaŭ ź im nie pravodzicca, bo pakazańniaŭ jon nie daje, a vinu — nie pryznaje.
Za kratami Valancin Stefanovič znachodzicca, jak i Aleś Bialacki i Uładź Łabkovič, z 14 lipienia.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary