Kolki ŭłady źbirajucca patracić na milicyju, achovu zdaroŭja i daŭhi? Razam z ekśpiertami analizujem biudžet i ździŭlajemsia
Razam z ekśpiertami prajekta «Košt urada» pahladzieli apublikavany prajekt respublikanskaha biudžetu na 2022 hod. Ličby paraŭnoŭvajem z udakładniennymi pakazčykami biudžetu 2021 hoda (to-bok z faktyčna vykananym biudžetam, a nie zapłanavanym na papiery).
Jakija važnyja adroźnieńni biudžetu na 2022 hod? Analityki prajekta «Košt urada» źviartajuć uvahu na niekalki momantaŭ.
Čakajecca, što skarociacca padatkovyja dachody ad źniešnieekanamičnaj dziejnaści — na 10%. Pa prajekcie jany składuć 4,5 miljarda rubloŭ. Vidać, ułady rychtujucca da takoha efiektu ad sankcyj.
Kidajecca ŭ vočy značny rost raschodaŭ na absłuhoŭvańnie dziarždoŭhu — na 40%. Absłuhoŭvańnie — heta tolki pracenty pa kredytach, biez pahašeńnia asnoŭnaj sumy. Na apłatu hetych pracentaŭ sioleta nakirujuć 3,5 miljarda rubloŭ ( na miljard bolš, čym letaś).
Istotna vyrastuć raschody na nacyjanalnuju abaronu — na 21%. Na armiju pojdzie 1,8 miljarda rubloŭ.
Raschody na milicyju (1,1 miljarda rubloŭ) pavialičacca na 11% — heta praktyčna na ŭzroŭni inflacyi. Ahułam na sudy, pravaachoŭnuju dziejnaść i biaśpieku nakirujuć 3,14 miljarda rubloŭ.
«Zapłanavana minus 75% pa žkh-pasłuhach i žyllovym budaŭnictvie, ale heta nie navina. Heta adbyvajecca niekalki hod zapar, raschody mocna skaračajucca. Vierahodna, heta źviazana ci z raźmierkavańniem raschodaŭ pamiž miascovymi biudžetami i respublikanskim, ci z pavyšeńniem doli płaciažoŭ hramadzian», — tłumačać ekśpierty.
Na adukacyju z respublikanskaha biudžetu vydatkujuć 1,46 miljarda rubloŭ, na sacyjalnuju palityku — 2,3 miljarda. Na achovu zdaroŭja pojdzie 1,87 miljarda. Vyhladaje, što na balnicy i škoły hrošaj škadujuć u adroźnieńni ad RUUSaŭ.
«Sacyjałka ŭ asnoŭnym finansujecca ź miascovych biudžetaŭ. Z respublikanskaha na heta iduć nievialikija hrošy, ale jany nakiroŭvajucca nie na palikliniku kala doma i nie na škołu, u jakuju chodziać vašy dzieci. Heta na, hruba kažučy, administracyjnyja pytańni i niekalki balnic respublikanskaha pryznačeńnia.
Kali skłaści miascovyja biudžety, atrymajecca, što na achovu zdaroŭja tracicca našmat bolš, čym na siłavikoŭ i adukacyju. Ź miascovych biudžetaŭ niama zatrataŭ na milicyju ci armiju. Tam 80% srodkaŭ budzie patračana na sacyjalnuju śfieru», — źviartajuć uvahu ekanamisty.
Na refierendum płanujuć patracić amal 34 miljony rubloŭ. A ŭ reziervovy fond Łukašenki pojdzie ŭdvaja bolš, čym letaś — 1,17 miljarda rubloŭ.
Abjom finansavańnia dziaržaŭnych ŚMI praktyčna nie źmianiajecca. BT, naprykład, daduć 114 miljonaŭ rubloŭ. Cikava, što letaś praŭładnyja miedyja ŭ vyniku atrymali na 3% mienš srodkaŭ, čym było zapłanavana.
Respublikanski biudžet na nastupny hod zapłanavany z deficytam u 2,8 miljarda rubloŭ (raschodaŭ płanujecca na 30,6 miljarda). Prafinansavać niedastaču źbirajucca za košt astatkaŭ srodkaŭ biudžetu papiarednich hadoŭ.
«Heta staraja zanačka. Da 2020-ha hoda z punktu hledžańnia vykananańnia biudžetu byli tłustyja časy, biudžet časta vykonvaŭsia z praficytam, srodki nazapašvalisia. Ciapier jany na depazicie Minfina, i jon ich vykarystoŭvaje, kab pakryvać deficyt», — kažuć analityki «Koštu ŭrada».
«Pytańniaŭ nikoli nie ŭźnikała». U reziervovy fond Łukašenki na nastupny hod pojdzie ŭdvaja bolš hrošaj, čym letaś
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary