«Premiju jamu płaciać najbolšuju». Vajenruki ŭ škołach: što jany robiać i za čym (kim) sočać
Pry kancy žniŭnia hetaha hoda na sajtach biełaruskich škoł pačali źjaŭlacca vakansii vajenrukoŭ, a moža palitrukoŭ — śpiecyjalistaŭ pa vajenna-patryjatyčnym vychavańni. Akramia taho, u staličnych škołach vachcioraŭ zamianili supracoŭnikami Departamienta achovy MUS. Jak hetyja źmieny paŭpłyvali na navučalny praces — «Naša Niva» pacikaviłasia ŭ nastaŭnikaŭ.
«Spačatku chadzili čutki, ale ŭsio leta nie było nijakaj kankretyki. Nadyšoŭ vierasień, a ŭ našaj škole taksama nichto nie źjaviŭsia. Tak było va mnohich škołach rajona. U nas hety «śpiecyjalist» byŭ naniaty 1 kastryčnika. Spačatku ŭvohule nichto nie razumieŭ, što heta za pasada i čym jon pavinien zajmacca. Da kanca i zaraz nichto hetaha nie razumieje. Jaho «pasialili» ŭ byłuju kamoru, vykinuli adtul uvieś chłam, jaki składavali hadami. Paśla jon aktyŭna ŭziaŭsia za praviadzieńnie ŠAH (Škoła aktyŭnaha hramadzianina): da nas pačali prychodzić prafaryjentacyjnyja bryhady z vajskovych VNU, vieterany.
Viedaju, što premiju jamu płaciać adnu z najbolšych siarod usich, pry tym niejkaj kankretnaj spravy (karysnaj ci niekarysnaj), jakuju b jon rabiŭ, ja asabista nie zaŭvažaju. — kaža nastaŭnica adnoj sa staličnych škoł.
— Jość u mianie mierkavańnie, što hlebu dla ŭviadzieńnia takoj pasady padrychtoŭvali zahadzia, bo byli praviedzienyja vielmi dziŭnyja źmieny ŭ vypłacie stymulujučych i kampiensujučych vypłat (toje, što raniej zvyčajna premijaj nazyvałasia). Ciapier i vyśvietliłasia, kudy idzie taja rešta hrošaj, jakuju niedaatrymoŭvajuć nastaŭniki. Jana idzie na hetaha čałavieka plus na Departamient achovy (bo častka ich zarobku kładziecca mienavita na ŭstanovu adukacyi).
Heta nie stolki škodniki, kolki takija parazity, jakija ničoha nie robiać, a prosta vysmoktvajuć biudžet, ni za što atrymlivajuć tyja hrošy, jakija b mahli dadatkova atrymać lepšyja nastaŭniki», — kaža piedahoh.
Nastaŭnik inšaj škoły kaža: «Palitruk źjaviŭsia ŭ nas pierad pačatkam druhoj čverci, pachadziŭ pa kabinietach, sprabavaŭ paznajomicca, na pytańnie «A što vy budziecie rabić, ci čakać ad vas pravierak niejkich?» adkazaŭ, što i sam nie nadta viedaje pakul. Asabista ja jaho bačyŭ u škole razy try: adnojčy na kalidory i ŭ kabiniecie zavuča pa vychavaŭčaj rabocie, jon tam «łapaciŭ» niejkija dakumienty. Nijakich mierapryjemstvaŭ, kłasnych/infarmacyjnych hadzin jon nie pravodzić — uvieś čas siadzić u svajoj kamory. I ŭsio. Moža, i dziakuj Bohu!»
U inšaj škole žančyna-palitruk aktyŭna arhanizoŭvaje ekskursii ŭ kadeckuju vučelniu, zaprašaje pradstaŭnikoŭ z avijacyjnaha kaledža.
«Ideałahičnuju pracu nastaŭniki pravodziać, jak i raniej, pieravažna tolki na papiery», — kaža piedahoh-arhanizatar.
«U našaj škole, — raspaviadaje nastaŭnica ź Minskaj vobłaści. — Kiraŭnik pa VPV aktyŭna ŭziaŭsia za BRSM: imkniecca, kab ustupili ŭ arhanizacyju ŭsie, pravodzić, naprykład, dyskateku, uvachod na jakuju tolki pa členskim bilecie. Taksama raniej u nas nie było takoj praktyki, kab achviaravać adukacyjnym pracesam dziela niejkich mierapryjemstvaŭ — usio paśla zaniatkaŭ. A ciapier mohuć dziaciej zabrać prosta z zaniatkaŭ, kab pakazać dakumientalny film pra vajnu ci niešta padobnaje».
Prosta zaraz možna znajści dziasiatki vakansij na pasadu kiraŭnika pa vajenna-patryjatyčnym vychavańni. U minskich škołach 24 i 126, naprykład, abiacajuć zarobak ad 700 rubloŭ, u SŠ№77 — ad 850 (heta ŭsio biez uliku tych samych premij).
Abaviazki: «arhanizacyja i praviadzieńnie mierapryjemstvaŭ vajskova-patryjatyčnaj nakiravanaści va ŭstanovie adukacyi. Praviadzieńnie prafaryjentacyjnaj raboty z vučniami. Ažyćciaŭleńnie ŭliku vajskovaabaviazanych va ŭstanovie», patrabujuć vyšejšuju adukacyju i abaviazkovy vopyt słužby va Uzbrojenych siłach.
Čytajcie taksama: «Ja kłasny kiraŭnik ŭ kłasie, dzie ŭsie dziaŭčaty». Historyja maładoha chłopca, jaki kinuŭ pracu ŭ stalicy i viadzie ŭroki ŭ viaskovaj škole
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary