Kinoa zdaŭna jaduć u rehijonie Andaŭ u Łacinskaj Amierycy. Ciapier hety psieŭdazłak, jak jaho pravilna nazyvać pa-navukovamu, vyroščvajecca bolš čym u 70 krainach. Kinoa nie źmiaščaje hlutenu, tamu jana zdajecca dobrym varyjantam dla tych, chto nie moža jeści bahatuju na hluten pšanicu.
Pry hetym kinoa — nadta karysnyja dla zdaroŭja krupy. U ich jość usie dzieviać asnoŭnych aminakisłot, jakija zvyčajna možna znajści tolki ŭ białkovych praduktach nakštałt miasa, ryby, małaka i soi. U kinoa nizki hlikiemičny indeks, to-bok jana nie vyklikaje chutkaha pavyšeńnia ŭzroŭniu cukru ŭ kryvi. Taksama hetaja krupa źmiaščaje šmat marhancu i mahniju, raspaviadaje Huffpost.
Kinoa, jak i rys, abaviazkova treba pramyvać pierad užyvańniem. Navat kali na ŭpakoŭcy napisana, što krupa ŭžo pramytaja, usio roŭna lepiej pravieści hetuju praceduru. Vy nie možacie viedać, jak i nakolki staranna krupu pramyvali na fabrycy.
Samyja prostyja sposaby pryhatavać kinoa — zvaryć na pary abo na słabym ahni da taho momantu, pakul ziernie nie pačnie nabuchać i razłomvacca na častki. Kinoa moža być dobrym harniram da luboj asnoŭnaj stravy, a kali hetyja krupy zvaryć i astudzić, jaje možna ŭklučać u sałaty. Kinoa dobra spałučajecca z harodninaj i bahatymi na vuhlavody raślinami, naprykład, sa smažanaj na hryli kukuruzaj abo z zapiečanymi piercami. Takuju sałatu možna prypravić aliŭkavym alejem abo zapraŭkaj sa stałovym vocatam.
Reštki kinoa možna pasmažyć razam ź białkovymi praduktami i harodninaj, a možna i smažyć kinoa asobna. Pramyjcie krupu, dazvolcie joj vysachnuć na papiarovych survetkach i padsmažcie kinoa na patelni (tradycyjnaj ci voku), pakul kaša nie nabudzie karyčnievy koler. Kali astudzić smažanuju kinoa, možna budzie dadać jaje da hranały, sadaviny, sałaty abo johurtaŭ.
Narešcie, zapiečanuju ŭ duchoŭcy kinoa možna pieramołvać u muku, jakaja budzie dobrym zahuščalnikam dla sousaŭ, supoŭ i padlivak. Heta cudoŭny sposab pavialičyć kolkaść białku ŭ racyjonie.
Ciapier čytajuć
Biełaruska raspačała čelendž «40 spatkańniaŭ», ale ŭžo na siaredzinie nie chavaje rasčaravańnia ŭ mužčynach52
Kamientary