«J:Mors» vypuściŭ sinhł «1986». Kampazicyja pryśviečana katastrofie na Čarnobylskaj AES, ale ŭ pieśni pravodziacca anałohii i ź siońniašnimi padziejami. «Vsio takaja žie pustota, i takoje žie niebo dniem, vsio kak v 86-m, pieriehrieto», — śpiavajecca ŭ joj.
Uładzimir Puhač u fejsbuku napisaŭ, što ŭ krasaviku 1986-ha jamu było 10 hadoŭ. U Pinsku, dzie jon ros, mnohija daviedalisia pra katastrofu dzień u dzień, 26 krasavika.
«U škołu ja chadziŭ u druhuju źmienu, i baćki paśpieli pakinuć mianie doma. Upieršyniu ŭ maim žyćci ja nie byŭ hetamu rady. Jak i ŭsie savieckija dzieci, z urokaŭ pačatkovaj vajskovaj padrychtoŭki ja dobra viedaŭ, što takoje atamny vybuch i jak dziejničaje radyjacyja. Byŭ aślaplalna jarki soniečny dzień. Ja hladzieŭ u akno i adčuvaŭ žach. Žachlivy strach pierad niabačnaj stychijaj, jakaja strymana zabivaje ŭsio žyvoje. Pahrozaj, ad jakoj nie abaroniać ni toŭstyja ścieny, ni mama z tatam, ni armija…
U hetym krasaviku mnie 45. I, zdajecca, mała što źmianiłasia. Technahiennyja katastrofy źmianiajucca sacyjalnymi ŭzrušeńniami, a my ŭsio hetak ža z žacham vyhladajem u vokny, turbujemsia i nie śpim z-za blizkich, pieražyvajem bol strat, baimsia nieviadomaści i spadziajomsia na lepšaje…»
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj37
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary