Zhodna ź finansavaj spravazdačaj, zasnavalnik Zoom Eryk Juań achviaravaŭ u jakaści padarunka nieviadomym asobam prykładna 18 miljonaŭ akcyj svajoj kampanii, što składaje kala 40% ad ahulnaj kolkaści. Košt padarunka — bolš za 6 miljardaŭ dalaraŭ.
Padčas pandemii Zoom pieratvaryŭsia ŭ šyroka viadomy brend, bo heta videapłatforma dazvoliła vialikaj kolkaści navučencaŭ i pracaŭnikoŭ efiektyŭna pierajści na dystancyjnuju pracu. Dziakujučy hetamu asabistaje bahaćcie Juania, a taksama kapitalizacyja Zoom, mocna vyraśli, piša VVS.
Akcyi kampanii za apošni hod vyraśli amal u try razy, a rynkavaja cana brenda aceńvajecca prykładna ŭ sto miljardaŭ dalaraŭ.
Aficyjny pradstaŭnik Zoom paviedamiŭ, što pieradača akcyj była ździejśnienaja zhodna z umovami trastaŭ Eryka Juania i jaho žonki. Inšych padrabiaznaściaŭ nie paviedamlajecca.
Ale ekśpierty ličać, što heta nie supakoić inviestaraŭ. Juaniu ŭsiaho tolki 51 hod, jon žanaty i maje traich dziaciej, tamu razdača jaho bahaćcia vyhladaje paśpiešlivaj.
Juań miarkuje, što navat paśla zakančeńnia karancinu i tatalnaj vakcynacyi dystancyjnaja praca nikudy nie źniknie. Tamu kiraŭniki Zoom čakajuć, što akcyi kampanii i ŭ hetym hodzie buduć raści, adnak chutkaść rostu budzie bolš pavolnaja ŭ paraŭnańni ź minułym hodam.
Ekśpierty čakajuć ad videapłatformy prodažu ŭ pamiery bolš za 3,7 miljarda dalaraŭ — heta pieravyšaje pakazčyki 2020 hoda bolš čym na 40%.
-
«Usie prymiežnyja parkoŭki zabityja furami ź litoŭskimi numarami». Łukašenka ŭvioŭ dadatkovyja abmiežavańni dla litoŭskich pieravozčykaŭ
-
U Biełarusi voźmucca za bankaŭskija kamisii. Abiacajuć, što niekatoryja ź ich źniknuć
-
Inflacyja nie bolš za 7%: zaćvierdžanyja asnoŭnyja ekanamičnyja pakazčyki na nastupny hod
Ciapier čytajuć
Najbujniejšuju sietku fastfudu ŭ Biełarusi adkryŭ vychadziec z KDB7
Kamientary