Amierykanka prykinułasia, što zamaŭlaje picu, kab vyklikać palicyju i abaranić maci ad jaje bojfrenda
Žycharka Arehona patelefanavała 911 paśla taho, jak na jaje maci napaŭ bojfrend, i imitavała razmovu z dastaŭkaj picy, paviedamlaje 13 ABC. Pa słovach dyśpietčara, jon zrazumieŭ metu zvanka zbolšaha tamu, što bačyŭ padobnyja historyi ŭ sacsietkach, piša tvrain.ru
Paciarpiełaja paźniej raskazała palicyi, što 56-hadovy Sajman Łopies z Arehona pryjšoŭ da ich u kvateru, spravakavaŭ svarku i ŭdaryŭ jaje pa ruce, ad čaho jana stuknułasia ab ścianu. Jaje 38-hadovaja dačka patelefanavała 911 i, kab napadnik ni pra što nie zdahadaŭsia, skazała, što choča zamović picu.
13 ABC pryvodzić dyjałoh žančyny i dyśpietčara Cima Tenejka:
— Arehon 911.
— Ja b chacieła zamović picu pa adrasie …
— Vy telefanujecie 911, kab zamović picu?
— Tak, na adras …
— Picu zamaŭlajuć nie pa hetym numary …
- Nie-nie-nie, vy nie razumiejecie.
— Ciapier ja vas razumieju.
Zatym dyśpietčar spytaŭ, jakaja patrebna dapamoha i ci niebiaśpiečny mužčyna:
— Hety chłopiec usio jašče tam?
— Tak, mnie patrebna vialikaja pica.
- Dobra. Jak nakont miedycynskaj dapamohi, jana patrebna vam?
— Nie. Ź piepieroni.
Dyśpietčar paviedamiŭ ab tym, što zdaryłasia, palicejskim i papiaredziŭ, kab jany nie ŭklučali sireny. Im udałosia zatrymać napadnika.
The quick thinking actions of both the caller and dispatcher in Oregon are making national headlines! Tune in to Good Morning America tomorrow for their version. https://t.co/cwTv0V2mkv pic.twitter.com/tvIi3CV0hw
Načalnik palicyi Arehona Majkł Navare skazaŭ telekanału, što za 42 hady pracy ŭ pravaachoŭnych orhanach nie sutykaŭsia z takim sposabam tajemna vyklikać palicyju, ale ŭchvaliŭ jaho. Navare taksama pachvaliŭ dyśpietčara: inšy moh by paviesić słuchaŭku.
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary