Nacbank prezientavaŭ novy hrafičny znak biełaruskaha rubla. Videa hałoŭnaja finansavaja ŭstanova vykłała ŭ svaim telehram-kanale.
Kiraŭnik Nacbanka Raman Hałoŭčanka raskazaŭ, čamu było pryniata rašeńnie źmianić hrafičny znak biełaruskaha rubla: «U 2005 hodzie byŭ zaćvierdžany hrafičny znak u vyhladzie dźviuch łacinskich litar Br. Ale jon nie pryžyŭsia. Tamu isnuje raznastajnaść u abaznačeńni našaj nacyjanalnaj valuty ŭ roznych ceńnikach, u znosinach pamiž ludźmi — heta i Br, i BYN, i bieł. rub. Heta nie vielmi pravilnaja situacyja, tamu z ulikam takoha niaŭdałaha dośviedu 2005 hoda my vyrašyli dać prava ludziam samim, pa-pieršaje, prapanavać hety simvał, a pa-druhoje, prahałasavać za jaho, kab jon lepš pryžyŭsia, čym papiaredni».
Pa słovach kiraŭnika Nacbanka, novy simvał adpaviadaje ŭsim kryteryjam: prastata, zručnaść, asacyjatyŭnaść ź Biełaruśsiu.
«Tut jość i litara «B», jakaja źjaŭlajecca pačatkovaj u naźvie našaj krainy, i haryzantalnaja rysa, što simvalizuje ŭstojlivaść, stabilnaść. U cełym hety znak mocna pieraklikajecca ź simvałami hrašovych adzinak inšych dziaržaŭ, ale ŭ toj ža čas padkreślivaje ŭnikalnaść našaha biełaruskaha rubla. Ciapier pytańnie ŭ jaho pryžyvańni, u šyrokim vykarystańni. My raźličvajem, što evalucyjnym šlacham jon zojmie svajo miesca ŭ finansavaj sistemie našaj krainy», — raspavioŭ jon.
Raniej paviedamlałasia, što konkurs na najlepšy hrafičny znak vyjhraŭ Vasil Ščabiatun, jaki atrymaje pryz — 3000 rubloŭ.
U konkursie ŭziali ŭdzieł kala 2700 rabot.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk49
Kamientary