Paśla 5500 dalaraŭ za uncyju na minułym tydni cana ŭpała da 4600 dalaraŭ.
Ceny na zołata i srebra siońnia abrynulisia da novych minimumaŭ. U chodzie tarhoŭ zołata hublała da 6,3%, srebra — da 11,9%.
Siońnia cana na zołata za uncyju apuskałasia navat da 4400 dalaraŭ, ale potym krychu adyhrała i ciapier tarhujecca pa $4645 za uncyju.
Jašče niekalki dzion tamu abodva mietały ličylisia «cichaj havańniu» dla inviestaraŭ, ale ciapier rezkaje padzieńnie stała šokam dla rynku.
Šturškom da rasprodažaŭ staŭ sihnał z Vašynhtona.
Donald Tramp zajaviŭ pra namier vyłučyć Kievina Uorša na pasadu kiraŭnika Fiederalnaj reziervovaj sistemy. Uorš viadomy svajoj žorstkaj pazicyjaj u baraćbie ź inflacyjaj, i rynki ŭspryniali heta jak kaniec čakańniaŭ słaboha dalara. Amierykanskaja valuta prykmietna ŭmacavałasia, što aŭtamatyčna ŭdaryła pa zołacie i srebry, jakija tarhujucca ŭ dalarach.
Pry hetym palityčny faktar nakłaŭsia na pierahrety rynak. Za apošni hod zołata istotna padaražeła, a srebra rasła asabliva imkliva, pryciahvajučy śpiekulatyŭnych inviestaraŭ, u tym liku z Kitaja.
Za ŭvieś 2025 hod zołata padaražeła na 64 pracenty, u pačatku 2026 hoda rost składaŭ amal 20 pracentaŭ.
Tak, u siaredzinie śniežnia 2025 hoda mietał kaštavaŭ 4500 dalaraŭ za uncyju, u minuły paniadziełak, 26 studzienia, zołata ŭziało płanku 5000 dalaraŭ i praciahvała daražeć šalonymi tempami: aŭtorak — 5100, sierada ranicaj — 5200, sierada (dzień) — 5300 dalaraŭ, u čaćvier nabliziłasia da 5600, ale potym pačałosia padzieńnie.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary
Banki priedskazyvajut 6100-6300 za unciju k koncu hoda, poślednije paru let vsie oni silno ošibaliś v mieńšuju storonu, riealnyj rost był bolšie.
Vsie fundamientalnyje pričiny dla rosta zołota sochraniajutsia: skupka zołota cientrobankami, hieopolitičieskaja napriažiennosť. Tak čto siejčas nado zołoto nie prodavať, a pokupať, poka vriemienno podiešievieło.