Supadzieńnie, ale 20 hadoŭ zapar ministrami ŭnutranych spraŭ stanoviacca tolki tyja, chto naradziŭsia pa-za miežami Biełarusi
Ministram unutranych spraŭ pryznačany ŭradženiec Paŭnočnaj Asiecii Juryj Karajeŭ.
Čytajcie: Piać faktaŭ pra novaha ministra ŭnutranych spraŭ Juryja Karajeva
«A biełarusa nie znajšłosia?», «Niaŭžo niama kandydataŭ na pasadu ź Biełarusi?», «To z Ukrainy, to z Rasii. Biełarusaŭ nielha pryznačać na hetu pasadu?» — voś jak hučać try samyja papularnyja kamientary na forumach Tut.by da naviny pra jaho pryznačeńnie.
Karajeŭ trapiŭ na terytoryju ciapierašniaj Biełarusi jašče za savieckimi časami. Karajeŭ — paŭnavartasny hramadzianin Biełarusi, niama nijakich zabaronaŭ ci abmiežavańniaŭ na jaho znachodžańnie na ŭpłyvovaj pasadzie.
Čamu tady ŭźnikajuć pytańni?
Sprava ŭ tym, što Karajeŭ — piaty zapar kiraŭnik samaj mahutnaj siłavoj struktury, narodžany pa-za miežami Biełarusi.
Heta možna ličyć supadzieńnie, ale z 1999 hoda nie było nivodnaha ministra ŭnutranych spraŭ, u jakoha miescam naradžeńnia ŭ pašparcie była b paznačana Biełaruś.
Juryj Sivakoŭ (1999-2000) rodam z rasijskaha Sachalina. Vučyŭsia na Dalokim Uschodzie. U Biełaruś trapiŭ na słužbu, tak i zastaŭsia.
Uładzimir Navumaŭ (2000-2009) havaryŭ ź biełaruskim akcentam, ale byŭ uradžencam Smalenščyny.
Anatol Kulašoŭ (2009-2012) choć i vyras u Čašnickim rajonie, byŭ narodžany na terytoryi ciapierašniaha Azierbajdžana.
Ihar Šunievič (2012-2019) naradziŭsia i atrymaŭ adukacyju ŭ Łuhanskaj vobłaści Ukrainy.
Narešcie, Juryj Karajeŭ — uradženiec Paŭnočnaj Asiecii.
Ź jurydyčnaha punktu hledžańnia miesca naradžeńnia maje značeńnie tolki ŭ adnoj situacyi. Być prezidentam dziaržavy moža tolki hramadzianin Biełarusi ad naradžeńnia.
Kamientary