Źmieny ŭ Padatkovy kodeks: dekłaracyja paźniej, padarunki bolšyja, zdavać kvateru vyhadniej — što jašče?

U Biełarusi ad 1 studzienia abnavili Padatkovy kodeks. Źmieny ŭnieśli jak dla jurydyčnych asob i indyvidualnych pradprymalnikaŭ, tak i dla fizičnych asob. TUT.BY pahladzieŭ, jakija źmieny ŭnieśli ŭ Padatkovy kodeks.

Pieranieśli dedłajn pa padačy padatkovaj dekłaracyi

Dla fizičnych asob źmianiŭsia krajni termin padačy padatkovaj dekłaracyi pa padachodnym padatku. Kali raniej heta treba było zrabić da 1 sakavika, to ciapier - pa 31 sakavika ŭklučna. Adnačasova zrušyli i termin vypłaty padachodnaha padatku - z 15 maja na 1 červienia hoda, nastupnaha za spravazdačnym.

Paviedamleńnie fizičnaj asobie abo jaho pradstaŭniku pavinny ŭručyć nie paźniej za 30 krasavika.

— Dekłaracyja pa padachodnym padatku padajecca ŭ vypadku atrymańnia dachodaŭ ź inšych krain, ad fizičnych asob i inšych dachodaŭ, kali padachodny padatak nie byŭ utrymany pry vypłacie, — adznačajuć jurysty.

Fizičnyja asoby zmohuć źviartacca ŭ lubuju padatkovuju

Z hetaha hoda fizičnyja asoby zmohuć padavać padatkovyja dekłaracyi na papiarovym nośbicie ŭ lubuju padatkovuju, niezaležna ad miesca svajoj rehistracyi. Raniej heta možna było zrabić tolki ŭ padatkovaj pa miescy žycharstva.

Atrymlivać dyvidendy stanie vyhadniej

Dla tych fizičnych asob, jakija źjaŭlajucca ŭłaśnikami i (abo) udzielnikami kampanij, i jakija doŭha čakali momantu, kab raźmierkavać prybytak i atrymać dyvidendy - hety momant nastaŭ. Z 2019 hoda Padatkovy kodeks praduhledžvaje panižanyja staŭki padachodnaha padatku pry atrymańni dyvidendaŭ.

Nahadajem, što ŭ ahulnym vypadku pry atrymańni dyvidendaŭ fizičnaj asobaj padachodny padatak składaje 13%.

Z 2019 hoda padatak moža vypłačvacca albo pa panižanaj staŭcy albo takaja nieabchodnaść moža naohuł adsutničać.

U pryvatnaści: 

• kali na praciahu 3 hadoŭ vy nie raźmiarkoŭvali prybytak svajoj kampanii, to pry atrymańni dyvidendaŭ staŭka padachodnaha padatku składzie 6%;
• kali na praciahu 5 hadoŭ prybytak kampanii nie raźmiarkoŭvaŭsia - pry atrymańni dyvidendaŭ ad kampanii padachodny padatak płacić nie treba naohuł.

Pavialičany pamier prybytkaŭ fizičnych asob, pa jakich nie treba płacić padatak

Z 2019 hoda pavialičany pamier prybytku, jaki moža być atrymany fizasobaj ŭ vyhladzie padarunkaŭ, pryzoŭ i inšaha. Heta značyć, hety prybytak nie źviazany z ažyćciaŭleńniem fizasobaj pracoŭnych i inšych abaviazkaŭ, jaki nie abkładajecca padachodnym padatkam.

Płacić nie treba, kali vy atrymali prybytak:

• ad inšych fizičnych asob u jakaści dareńnia abo ŭ jakasci nieruchomaj majomaści pa dahavoru renty biaspłatna ŭ pamiery, jaki nie pieravyšaje 6569 rubloŭ na praciahu hoda;
• ad kožnaj arhanizacyi abo IP, jakija źjaŭlajucca asnoŭnym miescam pracy, u pamiery nie pieravyšaje 1984 rubloŭ na praciahu hoda;
• ad kožnaj krynicy na praciahu hoda - inšych arhanizacyj i IP u pamiery nie pieravyšaje 131 rubiel dla fizičnych asob nie pa miescy asnoŭnaj raboty;
• ad kožnaj krynicy ŭ vyhladzie apłaty strachavych pasłuh strachavych arhanizacyj Respubliki Biełaruś, u tym liku pa dahavorach dobraachvotnaha strachavańnia žyćcia, dadatkovaj piensii, miedycynskich raschodaŭ, jakija atrymlivaje ad arhanizacyj IP, jakija źjaŭlajucca miescam asnoŭnaj raboty (słužby, vučoby), u tym liku piensijanierami, jakija raniej pracavali u hetych arhanizacyjach i ŭ hetych IP, a taksama ad prafsajuznych arhanizacyj členami takich arhanizacyj u pamiery jaki nie pieravyšaje 3398 rubloŭ na praciahu hoda.

Zdavać žyllo ŭ arendu budzie vyhadniej

Fizasoby, jakija zdajuć žyłyja pamiaškańni, mašyna-miesca ŭ arendu ciapier abaviazanyja vypłačvać tolki padatak pa fiksavanych staŭkach biez dapłat za toje, što vy atrymali bolš vyznačanaj sumy.

Tak, kali suma prybytku ad zdačy žylla ŭ najom, atrymanaja na praciahu 2018 hoda, pieravysiła 6116 rubloŭ, to padachodny padatak musiŭ być dapłačany.

Z 2019 pracedura dapłaty padachodnaha padatku pry pieravyšeńni vyznačanaj hadavoj sumy kodeksam užo adsutničaje. Heta značyć niezaležna ad sumy prybytku ad zdačy žylla, atrymanaha na praciahu 2019 hoda, akramia padatku pa fiksavanych staŭkach dapłočvać padatak nie daviadziecca.

Zapazyčanaść pa padatkach zaraz možna płacić u rasterminoŭku

U Biełarusi dazvolili vypłačvać padatki i pieni z adterminoŭkaj płaciažoŭ albo ŭ rasterminoŭku. Arhanizacyi i IP mohuć raźličvać na takija pasłableńni ŭ tym vypadku, kali ŭ ich ciažkaje finansavaje stanovišča, a fizičnyja asoby - zychodziačy ź ich majomasnaha stanovišča abo ŭ suviazi sa znachodžańniem u ciažkaj žyćciovaj situacyi. Hałoŭnaja ŭmova dla fizičnych asob - abjekty padatkaabkładańnia nie pavinny być źviazanyja z ažyćciaŭleńniem pradprymalnickaj dziejnaści.

Pad składanaj žyćciovaj situacyjaj majucca na ŭvazie abjektyŭnyja akaličnaści (sukupnaść abstavin), što nie zaležać ad fizasoby, jakija jana nie moža pieraadoleć za košt najaŭnych mahčymaściaŭ.

Pry hetym naličeńnie pieniaŭ na sumy zapazyčanaści pa padatkach, zborach (pošlinach) budzie spyniena ź pieršaha dnia terminu, na jaki pradastaŭlajucca rasterminoŭka abo adterminoŭka.

• 0
• 0
• 0
• 0
• 0
• 0
• 0
• 0