Ministr abarony Andrej Raŭkoŭ naviedaŭ siońnia Andrejeŭski dziciačy dom u Aršanskim rajonie, dzie pavinšavaŭ dziaciej z Kaladami i Novym hodam i pieradaŭ padarunki, piša BiełTA.
«Ja ščyra žadaju, kab usie vašy žadańni spraŭdzilisia, a my, darosłyja, sa svajho boku pastarajemsia zrabić usio, kab heta ździejniłasia», - skazaŭ Andrej Raŭkoŭ, vinšujučy dziaciej sa śviatam. Adnak i dzieciam, na jaho dumku, dla hetaha treba troški pastaracca: dobra vučycca, zajmacca sportam, tvorčaściu, udzielničać u alimpijadach. «Heta praca, jaki ŭ budučyni abaviazkova daść vynik», - pierakanany ministr abarony.
U novym hodzie padapiečnym ministerstva jon pažadaŭ zdaroŭja, dobraj vučoby, metanakiravanaści i vykazaŭ upeŭnienaść u tym, što kožny ź ich u svoj čas pakaža siabie tolki z dobraha boku.
U razmovie z žurnalistami Andrej Raŭkoŭ adznačyŭ, što napiaredadni zimovych śviataŭ usie dzieci vierać u cudy i čaradziejstvy. «Tamu hetuju kazku abaviazkova treba daryć. Padarunak, dobryja słovy abo ŭčynki — usio heta taksama nievialikaja, ale vielmi važnaja i patrebnaja kazka», - dadaŭ kiraŭnik viedamstva.
Kamientary