U baraćbie za prava na praviadzieńnie čempijanatu śvietu pa futbole 2022 hoda Katar naŭmysna dyskredytavaŭ svaich kankurentaŭ z dapamohaj fejkavych navin. Pra heta ŭ niadzielu, 29 lipienia, paviedamlaje łondanski štotydniovik Sunday Times sa spasyłkaj na atrymanyja ad infarmavanaj krynicy elektronnyja paviedamleńni.
Z hetych paviedamleńniaŭ vynikaje, što zajavačny kamitet Katara śpiecyjalna naniaŭ PR-firmu, a taksama byłych supracoŭnikaŭ CRU dla raspaŭsiudžvańnia fejkavaj prapahandy suprać svaich hałoŭnych supiernikaŭ — Aŭstralii i ZŠA, piša Deutsche Welle.
Katarcy prycelna kantaktavali z upłyvovymi asobami ŭ krainach-kankurentach, kab tyja vystupali suprać praviadzieńnia na ich terytoryi čempijanatu śvietu pa futbole i stvarali ŭražańnie, byccam nasielnictva hetych krain abyjakavaje da praviadzieńnia ČS.
Mižnarodnaja fiederacyja futboła (FIFA) pry vyrašeńni pytańnia ab tym, jakoj krainie budzie daručana arhanizavać praviadzieńnie čempijanatu śvietu, nadaje asablivuju ŭvahu tamu, kab praviadzieńnie ČS vyklikała šyrokuju padtrymku nasielnictva krainy-pretendenta.
Miž tym Katar źviarnuŭ hetuju ŭmovu suprać svaich kankurentaŭ, pryčym pry hetym parušyŭ pradpisańnie FIFA pra toje, što kraina-pretendent nijakim čynam nie maje prava kamientavać zajaŭki na praviadzieńnie ČS ad inšych dziaržaŭ, adznačaje Sunday Times.
Kamientary