Futbolny kłub «Krumkačy» nie vyjdzie na pole ŭ matčy Kubka Biełarusi suprać hrodzienskaha «Niomana». Pra heta havorycca ŭ zvarocie da zaŭziataraŭ.
«Jak viadoma, futbolnamu kłubu «Krumkačy» admoŭlena ŭ pryjomie zajaŭki na prachodžańnie licenzavańnia. Apielacyja taksama nie pryniesła vyniku. Pa vialikim rachunku našamu kłubu vyniesieny śmiarotny prysud.
… Kłub prysudzili da najvyšejšaj miery pakarańnia za parušeńnie terminaŭ ich padačy. Niahledziačy na ŭsie našy dovady ab praźmiernasci nastolki surovaha pakarańnia, rašeńnie pakinuta ŭ sile. Na naš pohlad, jano supiarečyć i pravavym, i maralnym, i spartyŭnym normam, jakich pavinien prytrymlivacca biełaruski futboł. Jano vidavočna niespraviadlivaje i nievierahodna žorstkaje», — havorycca ŭ zajavie.
«My nie bačym inšaha vyjścia, aproč jak admianić matč 1/4 finała Kubka Biełarusi. «Krumkačy» nie vyjduć na matč suprać «Niomana» u niadzielu», — padsumoŭvajuć haspadary kłuba.
«Krumkačy» na praciahu 2017 hoda mieli finansavyja prablemy i vypłačvali zarobki futbalistam sa spaźnieńniem ci nie vypłačvali ŭvohule. Armianski inviestar źjaviŭsia ŭ kłuba zusim niadaŭna. Praz heta kamanda nie paśpieła svoječasova padać zajaŭku na ŭdzieł u čempijanacie Biełarusi. Fiederacyja futboła pajšła na pryncyp i nie dapuściła «Krumkačoŭ» na spabornictvaŭ.
Ciapier čytajuć
Kačanava prapanavała ŭvieści adkaznaść za «niapraŭdu ŭ tyktoku»14
Kačanava prapanavała ŭvieści adkaznaść za «niapraŭdu ŭ tyktoku»
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary