Praŭda, imaviernaść hetaha vielmi nievialikaja.
Češskija i kanadskija daśledniki vyśvietlili, što aŭtamabil Tesla, zapuščany ŭ kosmas 6 lutaha rakietaj-nośbitam Falcon Heavy, maje šaścipracentny šaniec viarnucca nazad na Ziamlu.
Praŭda, bajacca nie varta. Pa-pieršaje, kali heta adbudziecca, to tolki praź niekalki miljonaŭ hadoŭ. Pa-druhoje, aŭtamabil, chutčej za ŭsio, całkam zharyć u atmaśfiery.
Daśledčyki stvaryli i praanalizavali 240 kamputarnych madulacyj, kab zrazumieć, jak budzie aŭtamabil pieramiaščacca ŭ kosmasie nastupnyja 3,5 miljona hadoŭ. Jak raspavioŭ astrafizik Chano Rejn z Univiersiteta Taronta, u navukoŭcaŭ było dźvie zdahadki: aŭtamabil zastaniecca pobač z płanietami ziamnoj hrupy (Ziamla, Mars, Vieniera, Mierkuryj) abo pad upłyvam hravitacyi Jupiciera adpravicca ŭ vonkavuju vobłaść Soniečnaj sistemy.
Kamientary