U «Akademknizie» (pr. Niezaležnaści, 72) projdzie prezientacyja piacitomnika tvorcy i kaladnaja aŭtohraf-siesija. 18:00.
Napiaredadni Kaladaŭ u vydaviectvie «Łohvinaŭ» pabačyŭ śviet piacitomny zbor vybranych tvoraŭ adnaho z najulubionych piśmieńnikaŭ sučasnaj Biełarusi — Uładzimira Arłova.
Tut usio, što daspadoby siońniašniamu biełaruskamu čytaču.
Kniha vybranaj eseistyki pačynajecca ź lehiendarnaha ese «Niezaležnaść — heta…», pierakładzienaha na 20 movaŭ śvietu.
Tomik arłoŭskaj paezii — heta vybranyja tvory ź piaci paetyčnych knih, uklučajučy «Parom praz Ła-Manš» za jakuju aŭtar atrymaŭ mižnarodnuju premiju «Jeŭrapiejski paet svabody».
Čytaču prapanujecca i firmovaja histaryčnaja proza Arłova — apovieści «Sny impieratara» i «Čas čumy», apaviadańni «Try mužy spadaryni Daminiki»,»Randevu na manioŭrach», «Kachanak jaje vialikaści»…
U zbor tvoraŭ uvajšli mistyčnaja historyja kachańnia «Krajavid ź mientołavym pacham», antytatalitarny «Orden Biełaj myšy», antykałanijalnaja «Sibirskaja apovieść».
Nie zabytaja ŭ piaciknižžy, jakoje aryhinalna aformiła mastačka Kaciaryna Pikirenia, i proza apošnich hadoŭ — najnoŭšyja apovieści «Tancy nad horadam» i «Dom z damavikami».
«Heta samy cudoŭny padarunak, jaki ja kali-niebudź atrymlivaŭ na Kalady, — kaža Uładzimir Arłoŭ. — Budu sustrakać śviaty ŭ atačeńni maich knih i maich hierojaŭ. Mohuć abrać hetuju kampaniju i čytačy. Abiacaju, što budzie i cikava, i śmiešna, i strašna. Ale tolki nie sumna.»
Kaladnaja aŭtohraf-siesija Uładzimira Arłova adbudziecca ŭ sieradu 20 śniežnia ŭ «Akademknizie» (pr.Niezaležnaści, 72). Pačatak a 18-j.
Čytačy zmohuć atrymać aŭtohraf taksama na knizie Uładzimira Arłova i Paŭła Tatarnikava «Ajčyna: malaŭničaja historyja. Ad Rahniedy da Kaściuški». U aŭtohraf-siesii voźmie ŭdzieł i P.Tatarnikaŭ.
Chto taki Michaił Miachovič — siłavik, jaki viadzie kanał HUBAZiKa i adkazvaje za prabiŭ ludziej20
Kamientary