U pašpartach biełarusaŭ źjavicca štamp z hrupaj kryvi? Ministerstva achovy zdaroŭja patłumačyła novuju pastanovu
Infarmacyja pra toje, što adznaku z hrupaj kryvi buduć stavić va ŭsie pašparty biełarusaŭ, jakaja źjaviłasia ŭ sacyjalnych sietkach, była patłumačana niapravilna.
Ministerstva achovy zdaroŭja ŭ aficyjnym kamientary raskazała, što novaja pastanova tolki zaćvierdziła novy paradak uniasieńnia ŭ pašparty i DNŽ štampaŭ pra hrupu kryvi pa sistemach AV0, Rh i inšych kłasifikacyjach.
Nasamreč takija adznaki isnavali bolš za 40 hadoŭ i stavilisia ŭ pašpart vyklučna pa žadańni samoha ŭładalnika.
«U dakumiencie zastałasia norma pra toje, što štamp pra hrupu kryvi moža być uniesieny tolki pa žadańni hramadzianina ŭ pašpart abo dazvoł na žycharstva. Ale važna adznačyć, što adznaka nie ŭnosicca ŭ identyfikacyjnuju kartu hramadzianina Respubliki Biełaruś, dypłamatyčnyja, słužbovyja i bijamietryčnyja pašparty, a taksama inšyja dakumienty, pryznačanyja dla vyjezdu z Respubliki Biełaruś i (abo) ujezdu ŭ jaje», — patłumačyli ŭ viedamstvie.
Kamientary