Biełaruś imkniecca da biaśpieki va ŭschodniejeŭrapiejskim rehijonie i hatovaja da dyjałohu z krainami, jakija ŭvachodziać u NATA. Pra heta zajaviŭ načalnik departamienta mižnarodnaha vajennaha supracoŭnictva — pamočnik ministra abarony respubliki pa pytańniach mižnarodnaha vajennaha supracoŭnictva Valeryj Ravienka.
Ravienka adznačaje, što ŭzajemaadnosiny Minska z krainami Zachadu i NATA składajucca vielmi prablematyčna.
Pavodle jaho słoŭ, Zachad «zachacieŭ padparadkavać Biełaruś svaim intaresam» i vyrašyŭ izalavać našu krainu, «nanieści joj peŭny ekanamičny, palityčny, maralny ŭron».
«Naturalna, my z hetym nie zhodnyja. U nas svaja palityka, u tym liku dobrasusiedstva, padtrymańnie biaśpieki va ŭschodniejeŭrapiejskim rehijonie», — patłumačyŭ pamočnik ministra.
Ravienka zajaviŭ, što biełaruski bok hatovy da dyjałohu z krainami — členami NATA.
«My akredytavali šerah dziaržaŭ — členaŭ NATA ŭ Respublicy Biełaruś. Na siońniašni dzień heta 10 dziaržaŭ. Hatovy pradastavić im pazicyju Respubliki Biełaruś, my hatovy čuć ich pazicyju i prychodzić da niejkaha kansensusu dla padtrymańnia biaśpieki ŭ našym rehijonie», — skazaŭ jon u intervju telekampanii «VajenTB».
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy15
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary