«Mužyki, ja novieńki». Złodziej zajšoŭ na budplacoŭku i abakraŭ rabočych u ich na vačach
Milicyja Partyzanskaha rajona Minska zatrymała 38‑hadovaha minčuka, jaki ŭžo mieŭ sudzimaść, pa padazreńni ŭ kradziažy hrošaj z bytoŭki na budaŭničaj placoŭcy.
Vyśvietliłasia, što mužčyna prachodziŭ mima i vyrašyŭ zajści ŭ bytavoje pamiaškańnie. Tam jon pačaŭ pierabirać čužyja rečy — kišeni, kašalki, sumki — i znajšoŭ hrošy, jakija zabraŭ sabie.
Kali ŭsiaredzinu padčas hetaj apieracyi raptam zajšoŭ adzin z rabočych, złamyśnik chutka zaryjentavaŭsia, nazvaŭsia «novieńkim» i takim čynam nie vyklikaŭ padazreńnia. Pačuŭšy heta, rabočy z pamiaškańnia vyjšaŭ, a złodziej praciahnuŭ svaju spravu.
Usiaho jon skraŭ bolš za 1000 rubloŭ i, pa jaho słovach, paśpieŭ usio patracić.
Pa fakcie kradziažu raspačali kryminalnuju spravu.
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ55
Kamientary