Delehacyi Ukrainy i ZŠA sustrelisia ŭ Fłarydzie. Stała viadoma, jakija pytańni abmiarkoŭvajuć
Sustreča delehacyj Ukrainy i ZŠA prachodzić u Fłarydzie — u holf-kłubie Styva Uitkafa ŭ Majami.
Amierykanskuju delehacyju pradstaŭlajuć dziaržsakratar ZŠA Marka Rubia, śpiecpasłańnik Trampa Styŭ Uitkaf i ziać Trampa Džared Kušnier. Na čale ŭkrainskaj delehacyi — sakratar Rady nacyjanalnaj biaśpieki i abarony Ukrainy Rustem Umieraŭ.
The Wall Street Journal sa spasyłkaj na krynicu piša, što pieramovy zakranuć mahčymaść abmienu terytoryjami, hrafik praviadzieńnia vybaraŭ va Ukrainie i inšyja niavyrašanyja pytańni, paviedamlaje The Wall Street Journal.
U paniadziełak Uitkaf i Kušnier płanujuć adpravicca ŭ Maskvu, kab praciahnuć pieramovy z Rasijaj, adznačaje vydańnie.
Pra chod sustrečy pakul mała što viadoma. Uitkaf zajaviŭ, što aceńvaje pieramovy «pazityŭna». Pieršy namieśnik ministra ŭnutranych spraŭ Ukrainy Siarhiej Kiślica taksama skazaŭ pra «ciopłuju atmaśfieru».
«Ciopłaja atmaśfiera, jakaja spryjaje patencyjnamu prahresiŭnamu vyniku. Vydatnaje kiraŭnictva Marka Rubia. Jak i ŭ Ženievie, ja caniu padychod Džareda Kušniera i toje, jak jon vykładaje svajo bačańnie», — napisaŭ Kiślica ŭ X.
Na minułym tydni Marka Rubia pravioŭ pieramovy z ukrainskim bokam u Ženievie. Baki zajaŭlali, što dasiahnuli prahresu ŭ raspracoŭcy mirnaha płana.
Ciapier čytajuć
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»18
Kamientary