Paśla stralaniny ŭ Vašynhtonie, dzie zahinuła vajskoŭka Nacyjanalnaj hvardyi, a jašče adzin hvardziejec byŭ paranieny, administracyja Donalda Trampa časova spyniła razhlad chadajnictvaŭ ab prytułku. Kiraŭnik Słužby hramadzianstva i imihracyi ZŠA Džozief Edłou paviedamiŭ, što rašeńni pa spravach ab prytułku nie buduć prymać, pakul nielha budzie zabiaśpiečyć maksimalna strohuju pravierku kožnaha zajaŭnika.
Donald Tramp, u svaju čarhu, zajaviŭ, što choča spynić imihracyju z «usich krain treciaha śvietu», a taksama admovicca ad fiederalnych lhot i subsidyj dla tych ludziej, jakija nie majuć hramadzianstva ZŠA, i navat pazbaŭlać hramadzianstva tych mihrantaŭ, jakija, pa jaho słovach, pahražajuć spakoju krainy.
Akramia taho, jon paabiacaŭ departavać usich inšaziemcaŭ, jakija znachodziacca na dziaržaŭnym utrymańni, ujaŭlajuć niebiaśpieku abo «nie adpaviadajuć zachodniaj cyvilizacyi».
Dziaržaŭny sakratar ZŠA Marka Rubia taksama paviedamiŭ, što ZŠA prypyniajuć vydaču viz uładalnikam afhanskich pašpartoŭ, padkreśliŭšy, što hałoŭny pryjarytet urada — biaśpieka krainy.
Pradstaŭniki arhanizacyi Afghan Evac krytykujuć kroki ŭładaŭ, śćviardžajučy, što incydent sa strałkom — «adzinočnym złačyncam» — vykarystoŭvajecca jak padstava dla daŭno zapłanavanych žorstkich mieraŭ suprać cełaj supolnaści.
Hetyja padziei adbyvajucca na fonie incydentu 27 listapada, kali kala Biełaha doma byli paranienyja dvoje nacyjanalnych hvardziejcaŭ, adna z paranienych paźniej pamierła. Strałka zatrymali — im akazaŭsia afhaniec, jaki pryjechaŭ u ZŠA ŭ 2021 hodzie pa prahramie pierasialeńnia sajuźnikaŭ paśla vyvadu amierykanskich vojskaŭ z Afhanistana. Paviedamlajecca, što svaju zajavu na prytułak jon padaŭ pry administracyi Džo Bajdena, a ŭžo paćvierdzili jaje sioleta pry Trampie.
Administracyja Trampa pravieryć hryn-karty vychadcaŭ z 19 krain, u tym liku z Afhanistana
Kataliki-trampisty ŭźjelisia na pieršaha amierykanskaha Papu: Leŭ XIV praciahvaje leva-prahresiŭnuju palityku Franciška
Demakrat-sacyjalist Zochran Mamdani pieramahaje na vybarach mera Ńju-Jorka
Tramp rezka źniziŭ kolkaść uciekačoŭ, jakich prymuć ZŠA. Pryjarytet addaduć biełym paŭdniovaafrykancam
Niderłandy pajšli pa šlachu Trampa — płanujuć vysyłać mihrantaŭ va Uhandu
Kamientary
Heta zaviecca prajecyravańnie: vy svoj rasizm i šavinizm vydajecie za mierkavańni inšych. Byŭ ja ŭ toj Amierycy, narmalnyja tam ludzi, baroniać svajo. Lubiać svaju ziamlu, svaju niahiehłuju kulturu i falkłor, biez pretenzij, jak kožny pierfamatyŭny lavak.