Urad Ukrainy spyniŭ dziejańnie zaklučanaha z Rasijaj pahadnieńnia ab zachavańni śpiecyjalizacyi pradpryjemstvaŭ, jakija vyrablajuć pradukcyju vajennaha pryznačeńnia. Premjer-ministr Ukrainy Uładzimir Hrojsman začytaŭ heta rašeńnie siarod pryniatych uradam na pasiadžeńni biez abmierkavańnia, paviedamlaje «Interfaks».
Pahadnieńnie ad 21 śniežnia 2000 hoda praduhledžvała, što Ukraina i Rasija spryjajuć zachavańniu vytvorčaj i navukova-techničnaj śpiecyjalizacyi pradpryjemstvaŭ i arhanizacyj, jakija prymajuć udzieł u raspracoŭcy, vytvorčaści i vyprabavańniach uzbrajeńnia i vajennaj techniki, akazańni pasłuh vajennaha pryznačeńnia i pastaŭkach nieabchodnych dla hetaha materyjałaŭ, paŭfabrykataŭ, kamplektujučych vyrabaŭ, navučalnaj i dapamožnaj majomaści.
Zhodna z damovaj, baki nie pavinny byli pieradavać treciamu boku, u tym liku zamiežnym fizičnym i jurydyčnym asobam i mižnarodnym arhanizacyjam materyjały, paŭfabrykaty, kamplektujučyja vyraby, dakumientacyju i infarmacyju, atrymanyja ŭ ramkach pahadnieńnia, bieź piśmovaj zhody boku, jaki jaho pastaviŭ.
9 žniŭnia hetaha hoda ŭrad Ukrainy razarvaŭ pahadnieńnie z RF ad 18 lipienia 2003 hoda, jakoje rehuluje paradak uzajemadziejańnia bakoŭ pry eksparcie pradukcyi vajennaha pryznačeńnia ŭ trecija krainy.
Kamientary