Jak vynikaje sa statystyki vydańnia Favstar, što adsočvaje papularnaść paviedamleńniaŭ u tvitary, paviedamleńnie Abamy, jakoje jon apublikavaŭ paśla sutyknieńniaŭ u štacie Virdžynija, łajknuli ŭžo 3 młn čałaviek. 1,2 młn karystalnikaŭ za try dni padzialilisia hetym paviedamleńniem ź inšymi.
U svaim tvitary Abama pryvioŭ cytatu Nelsana Mandeły, jakaja całkam hučyć tak: «Nichto nie naradžajecca ź nianaviściu da inšaha čałavieka z-za koleru skury, pachodžańnia abo relihii. Ludzi vučacca nienavidzieć, i, kali jany mohuć navučycca nienavidzieć, treba imknucca vučyć ich lubovi, bo luboŭ našmat bližejšaja da čałaviečaha serca».
Z-za abmiežavańnia na kolkaść znakaŭ u paviedamleńni Abama padzialiŭ cytatu na try častki, a papularnym staŭ tvit ź pieršaj častkaj vykazvańnia, da jakoj były prezident prymacavaŭ fatahrafiju.
"No one is born hating another person because of the color of his skin or his background or his religion..." pic.twitter.com/InZ58zkoAm
Na joj Abama staić kala dziciačaha sadka ŭ štacie Merylend, z akna jakoha na jaho hladziać dzieci roznych ras. Druhaja i treciaja častki cytaty sabrali pa miljonie łajkaŭ kožnaja.
Raniejšym lidaram pa kolkaści «łajkaŭ» u tvitary było paviedamleńnie śpiavački Aryjany Hrande, apublikavanaje paśla vybuchu na jaje vystupie ŭ Mančestery: «Raźbitaja. Ad usiaho serca mnie vielmi škada. U mianie niama słoŭ».
Padpisacca na Tvitar NN možna tut
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary