Amierykanskija i šviejcarskija paleantołahi vyjavili ŭ amierykanskim štacie Nievada zakamianiełaści ryby-supierdrapiežnika, jakaja žyła ŭ pačatku tryjasavaha pieryjadu, kala 252-247 miljonaŭ hadoŭ tamu. Daśledavańnie apublikavanaje ŭ Journal of Paleontology.

U tryjasavym pieryjadzie źjavilisia novyja vidy kaścianych ryb. U tym liku pačała raźvivacca hrupa ryb, da jakoj adnosicca bolš za pałovu sučasnych vidaŭ. Adnak pra toje, jak adbyvałasia adnaŭleńnie i raźvićcio ryb u pačatku tryjasavaha pieryjadu, viadoma drenna, bo da hetaha času było znojdziena mała zakamianiełaściaŭ taho času. Pradstaŭniki ž ryby, jakuju znajšli ŭ Nievadzie, žyli ŭ akijanach na terytoryi sučasnych Kanady, ZŠA, Špicbierhiena i arktyčnych abłaściej Rasii ŭ siarednim i vierchnim tryjasie.

Raniej daśledčyki vyjavili na terytoryi ZŠA inšaha drapiežnika tryjasavaha pieryjadu. Im akazaŭsia prodak sučasnych krakadziłaŭ, jaki žyŭ na sušy i pierasoŭvaŭsia na zadnich łapach.
Kamientary