Prykmietny, amal na čverć, rost ekspartu tavaraŭ u pieršym kvartale zabiaśpiečyli adrazu niekalki tavarnych pazicyj. Samyja vialikija vyniki, niahledziačy na pieryjadyčnyja abvastreńni prablem z Rasijaj, pakazali małakapierapracoŭščyki, jakija užo prykmietna pierakryvajuć abjomy ekspartu zbroi.
Jak paviedamlaje Biełstat, pastaŭki za miežy Biełarusi małaka i małočnych praduktaŭ u pieršym kvartale vyraśli na 42,4%, da 525,1 młn dalaraŭ. I choć asnoŭnym rynkam zbytu pa-raniejšamu zastajecca Rasija (ekspart siudy skłaŭ 491,6 młn dalaraŭ), rastuć hetyja pastaŭki pavolniej - plus 38,4% za kvartał. Siarod krain, kudy Biełaruś ekspartavała «małočku» bolš čym na 1 młn dalaraŭ, pa vynikach studzienia-sakavikv apynulisia Hruzija (2 młn dalaraŭ), Kitaj, i Turcyja.
Na 30% u pieršym kvartale vyras ekspart kalijnych uhnajeńniaŭ, dasiahnuŭšy ŭ hrašovym ekvivalencie 531,4 młn dalaraŭ, heta značyć zusim trochi abyjšoŭšy małočnikaŭ. U naturalnym vyražeńni pastaŭki chłorkaliju vyraśli na 58,8%.
Prykmietna ažyvilisia ŭ pačatku hoda pastaŭki za miežy krainy hruzavoj techniki. Ekspart vyras na 67,4%, da 202,4 młn dalaraŭ. U tym liku ŭ Rasiju pradadziena hruzavikoŭ na 158,1 młn dalaraŭ, va Ukrainu - na 13,8 młn.
Na 20% u studzieni-sakaviku vyras ekspart traktaroŭ (116,1 młn dalaraŭ), na 43,7% — čornych mietałaŭ (165,9 młn dalaraŭ), na 58,9% — lekaŭ (na 48 młn dalaraŭ).
Biezumoŭnym lidaram pryrostu stali bitumnyja sumiesi. Ekspart pa hetaj pazicyi vyras da 115,7 młn dalaraŭ u pieršym kvartale suprać 300 tys. dalaraŭ za anałahičny pieryjad minułaha hoda. Asnoŭny abjom realizavany ŭ Niderłandy i Vialikabrytaniju.
Siarod klučavych pazicyj ekspartu źnižeńnie ŭ pačatku hoda pakazali naftapradukty - minus 6,2%. Abjom pastavak skłaŭ 1,1 młrd dalaraŭ.
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary