Staličnyja narkakantralory pry padtrymcy bajcoŭ śpiecpadraździaleńnia «Ałmaz» pierakryli kanał pastaŭki narkatyčnych srodkaŭ z Rasii ŭ Biełaruś, paviedamili BIEŁTA ŭ HUUS Minharvykankama.
U Minsku 30 studzienia zatrymanyja čatyry čałavieki, u ich liku — asnoŭny zbytčyk. «Spačatku narkakantraloram trapilisia troje minčukoŭ (dvaim pa 28 hadoŭ, adnamu — 35), jakija pryjechali z Barysava, dzie nabyli dla siabie, a taksama dla dalejšaha zbytu niebiaśpiečny narkatyčny srodak. Pry sabie ŭ kožnaha ź ich miełasia doza hašyšu (da 1 h). U dalejšym u Barysavie byŭ zatrymany asnoŭny zbytčyk, 48-hadovy biespracoŭny, jaki arhanizavaŭ kanał pastaŭki narkotykaŭ z Rasii ŭ Biełaruś. U jaho pa miescy žycharstva apieratyŭniki vyjavili kala 50 h hašyšu. Narkotyk kanfiskavany», — adznačyli ŭ HUUS.
U dačynieńni da zbytčyka raspačataja kryminalnaja sprava pa č. 2 art. 328 (niezakonny abarot narkatyčnych srodkaŭ, psichatropnych rečyvaŭ, ich prekursoraŭ i anałahaŭ) KK, astatnija fihuranty adkažuć za supraćpraŭnyja dziejańni pa č. 1 art. 328.
Kamientary