Uładalnikam VR-akularaŭ navina pryjdziecca jašče bolš da spadoby.
Aŭtamabilny chołdynh «Atłant-M» pradstaviŭ u Minsku sučasnaje ŭjaŭleńnie rynku aŭtamabilaŭ. Ź siońniašniaha dnia na sajcie Volkswagen možna aformić kuplu mašyny całkam praź internet.
Sistema pracuje davoli prosta — vy abirajecie madel, koler, kamplektacyju i dadatkovyja madyfikacyi vašaha budučaha aŭto, paśla paznačajecie miesca dastaŭki i apłočvajecie całkam ci častkova sumu za aŭtamabil. Pakul dastupnyja dva varyjanty raźliku: praź sistemu ARIP i bankaŭskuju kartku. Uziać aŭtamabil u lizinh albo ŭ kredyt pakul niemahčyma z pryčyny adsutnaści peŭnaj zakanadaŭčaj bazy.
Uvieś praces pakupki składajecca ŭsiaho z 5 krokaŭ.
Paśla taho, jak vy ŭnieśli hrošy za aŭto, na praciahu 3 dzion va ŭkazanaje vami miesca aŭtamabil prybudzie na śpiecyjalnym evakuatary. Voś takim:
Bolš paščaściła ŭładalnikam akularaŭ virtualnaj realnaści. Z dapamohaj śpiecyjalnaj VR-harnitury na sajcie kampanii vam prapanujuć pahladzieć aznakamlalnyja videa:
Vy zmožacie navat prajści virtualny test-drajv:
Volkswagen ličyć taki farmat pierśpiektyŭnym: «Ciapier kupcy vielmi redka prychodziać na test-drajvy ŭ sałon. Siońnia ludzi bolš čytajuć forumy, hladziać test-drajvy ŭ internecie. My nie adstajom i chočam takim čynam zrabić praces pakupki aŭto chutčejšym». Pa słovach pradstaŭnikoŭ «Atłant-M», pry stanoŭčym vyniku kampanija budzie pastupova admaŭlacca ad aŭtasałonaŭ, pierachodziačy na anłajn-viersii.
Heta nie pieršaja sproba pierachodu na anłajn-viersiju aŭtasałona. Kampanija Škoda zapuściła takuju sistemu ŭ Biełarusi jašče ŭ lipieni 2016 hoda.
Ciapier čytajuć
Pastupova vyjšli na volu aryštavanyja pa «Spravie kniharoŭ». Akramia adnaho3
Pastupova vyjšli na volu aryštavanyja pa «Spravie kniharoŭ». Akramia adnaho
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary