Jak padpisvać sšytak? Škoły z-za techničnaj pamyłki vykonvajuć praviła, jakoha niama
U škołach pa-novamu afarmlajuć sšytki. Ciapier słova «Sšytak» na vokładcy treba pisać u pačatku radka, a nie pasiaredzinie, jak raniej. Baćki skardziacca na farmalizm, jaki dachodzić da absurdu, a nastaŭniki spasyłajucca na «mietadyčku» Minadukacyi. Praŭda, u samim ministerstvie śćviardžajuć, što nijakaha novaha praviła niama.
U redakcyju TUT.BY napisała minčanka Iryna Kaŭcevič. Jaje dačka vučycca ŭ trecim kłasie SŠ №197. 30 žniŭnia na baćkoŭskim schodzie nastaŭnica papiaredziła, što z upraŭleńnia adukacyi pryjšli dakumienty da novaha navučalnaha hoda. U ich havorycca, što słova «Sšytak» na vokładkach treba pisać u pačatku radka. Nastaŭnica paprasiła nie padpisvać sšytki, pakul škoła nie ŭdakładnić, ci niama pamyłki. Praź niekalki dzion jana paviedamiła, što ŭsio paćvierdziłasia, padpisvać sšytki treba pa-novamu.
Na novaje praviła źviarnuła ŭvahu i piśmieńnica Jaŭhienija Pasternak, raspavioŭšy pra jaho ŭ Facebook. U kamientarach pasypalisia paćvierdžańni, što nastaŭniki ŭžo «ŭziali pad kazyrok»: zahadajuć pisać «Sšytak» pa levym krai radka, prymušajuć pierapisać, kali vučań pa staroj pamiaci vyvieŭ słova ŭ siaredzinie, i nie prymajuć sšytki z zavodskim nadpisam u centry vokładki.
Mietadyčnyja rekamiendacyi z praviłami afarmleńnia sšytkaŭ, ekzamienacyjnych rabot i refierataŭ možna znajści na sajcie Ministerstva adukacyi. Adnak u ich čamuści ničoha pra napisańnie słova «Sšytak» z pačatku radka nie havorycca. U prykładach afarmleńnia vokładak hetaje słova raźmieščana tam ža, dzie i raniej, — u siaredzinie pieršaha radka.
Pry hetym u toj ža «mietadyčcy», raźmieščanaj na sajtach škoł, «Sšytak» napisana ŭžo pa-inšamu. Karespandent naŭzdahad pravieryŭ ź dziasiatak internet-resursaŭ roznych škoł krainy, i ŭsiudy ŭ prykładach afarmleńnia vokładak «Sšytak» - u pačatku radka. Jak tak atrymałasia?
Pres-sakratar Minadukacyi Julija Baradun patłumačyła, što pry zahruzcy mietadyčnych rekamiendacyj na sajt viedamstva ŭ dakumiencie «źlacieła» farmatavańnie.
Słovy, jakija pavinny byli być u siaredzinie radka, aŭtamatyčna vyraŭnialisia pa levym krai. Techničnuju pamyłku nieŭzabavie vypravili, ale, mabyć, škoły čamuści atrymali niapravilny varyjant «mietadyčki» i pačali vykonvać «novaje praviła».
-
Akunin raskazaŭ, što nieabchodna, kab vyžyć, kali ty zastaŭsia ŭ kiepskaj krainie
-
64‑hadovaha vice-čempijona pa aŭtasporcie kinuli ŭ kałoniju za palityku. Aryštavali paśla viartańnia z-za miažy
-
Cichanoŭskaja da 15‑j hadaviny trahiedyi ŭ minskim mietro: Siońnia — dzień pamiaci i bolu, jaki žyvie ŭ našych sercach užo 15 hadoŭ
Ciapier čytajuć
Pastupova vyjšli na volu aryštavanyja pa «Spravie kniharoŭ». Akramia adnaho4
Pastupova vyjšli na volu aryštavanyja pa «Spravie kniharoŭ». Akramia adnaho
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary