Dźvie novapałačanki abkradali starych ludziej, nazyvajučysia rabotnikami sacyjalnych słužbaŭ

Upraŭleńniem Śledčaha kamiteta pa Viciebskaj vobłaści zavieršana rasśledavańnie kryminalnaj spravy, raspačataj u dačynieńni da dźviuch žycharak Navapołacka, što ździejśnili sieryju kradziažoŭ u starych ludziej.

Vosieńniu minułaha hoda na praciahu troch tydniaŭ u pravaachoŭnyja orhany ad sastarełych žycharoŭ Połackaha rajona stali pastupać paviedamleńni ab ździajśnieńni kradziažoŭ ź ich damoŭ. Pry hetym zajaŭniki tłumačyli, što vyjaŭlali adsutnaść hrošaj paśla naviedvańnia ich dvuma žančynami, jakija pradstaŭlalisia rabotnikami roznych dziaržaŭnych struktur, jakija akazvajuć dapamohu sastarełym hramadzianam. Sa słoŭ adnych zajaŭnikaŭ, žančyny prychodzili ŭ dom na padstavie pravierki pravodki i elektryčnaha ličylnika. Sa słoŭ inšych, žančyny vydavali siabie za rabotnikaŭ strachavoj kampanii albo sacyjalnych rabotnikaŭ.

Atrymaŭšy mahčymaść zajści ŭ dom, h.zv. «dziaržaŭnyja słužačyja» ahladali pamiaškańni, haspadarčyja pabudovy, ažyćciaŭlali fatahrafavańnie doma, niby z metaj akazańnia materyjalnaj dapamohi, u asobnych vypadkach prasili starych pakazać najaŭnyja hrošy, nibyta z metaj pierapisu numaroŭ kupiur dla nastupnaha ich abmienu ŭ suviazi z majučaj adbycca denaminacyjaj. Paciarpiełyja achvotna razmaŭlali z adnoj ź iłžesłužačych, a druhaja tym časam abšukvała dom na pradmiet najaŭnaści ŭ domie hrošaj i kaštoŭnaściaŭ. Zajmieŭšy šukanaje, žančyny śpiešna raźvitvalisia z paciarpiełymi i sychodzili z domu.

U vyniku praviadzieńnia pravieračnych mierapryjemstvaŭ pa padazreńni ŭ ździajśnieńni złačynstva byli zatrymanyja 34 i 35-hadovaja žycharki horada Navapołacka. U chodzie śledstva ŭstanoŭlena, što za čas svajoj dziejnaści złačynnaja hrupa ździejśniła kradziažy ŭ damach, jakija naležać piaciarym starym ludziam. Uzrost paciarpiełych vahaŭsia ad 72 da 91 hoda. Usie jany źjaŭlalisia adzinokija, damy jakich znachodziacca ŭ pryvatnym siektary.

Kančatkovaje abvinavačvańnie abodvum žančynam pradjaŭlena pa č.3 art.205 (kradziež, učynieny paŭtorna, hrupaj asobaŭ, z praniknieńniem u žyllo, u bujnym pamiery) Kryminalnaha kodeksa Respubliki Biełaruś.

Adna z abvinavačanych maje čatyry sudzimaści za ździajśnieńnie majomasnych złačynstvaŭ.

U ciapierašni čas papiaredniaje śledstva pa kryminalnaj spravie zavieršanaje. Praviedzieny kompleks nieabchodnych śledčych dziejańniaŭ: ahlady miescaŭ zdareńniaŭ, apaznańnia, dopyty i vočnyja staŭki. Sstarym paciarpiełym častkova kampiensavany ŭron, pryčynieny złačynnymi dziejańniami abvinavačanych.

Kryminalnaja sprava pieradadziena prakuroru dla nakiravańnia ŭ sud.

Śledčy kamitet źviartaje ŭvahu na nieabchodnaść ažyćciaŭleńnia apieki nad sastarełymi svajakami, navat u vypadku, kali vy nie žyviacie ź imi sumiesna.

Sistematyčnyja napamin pra nieabchodnaść pravierki dakumientaŭ u asob, što prychodziać u dom i nazyvajuć siabie dziaržaŭnymi słužačymi, vykarystańnie pa pryznačeńni ustanoŭlenych ustrojstvaŭ, što zamykajucca, admova ad zachoŭvańnia bujnych sum hrašovych srodkaŭ pa miescy žycharstva dapamohuć vašym sastarełym svajakam zachavać ułasnyja źbieražeńni i nie stać achviarami złačynnych zamachaŭ.

Asobna Śledčy kamitet nahadvaje hramadzianam, što da 1 lipienia 2016 hoda prapanovy pamianiać staryja hrošy na novyja mohuć pastupać vyklučna ad machlaroŭ.

Novyja kupiury źjaviacca ŭ zvarocie jak zakonny płaciežny srodak tolki z 1 lipienia 2016 hoda.

• 0
• 0
• 0
• 0
• 0
• 0
• 0
• 0