Uładzimira Bieražkova padazrajuć u raskradańni $3 tysiač, jon na Vaładarcy
Vykonvajučy abaviazki hienieralnaha dyrektara chakiejnaha kłuba «Dynama-Minsk» Uładzimir Bieražkoŭ zatrymany i znachodzicca ŭ SIZA № 1 pa vuł. Vaładarskaha.
Infarmacyju ab zatrymańni paćvierdziła aficyjny pradstaŭnik Śledčaha kamiteta Biełarusi Julija Hančarova.
Bieražkoŭ zatrymany pa padazreńni ŭ kradziažy hrašovych srodkaŭ.
«Śledčym kamitetam raspačata kryminalnaja sprava pa č. 3 art. 210 Kryminalnaha kodeksa Respubliki Biełaruś u dačynieńni da vykonvajučaha abaviazki hienieralnaha dyrektara — hienieralnaha mieniedžara chakiejnaha kłuba «Dynama-Minsk» Uładzimira Bieražkova. Słužbovaja asoba padazrajecca ŭ kradziažy hrašovych srodkaŭ kłuba praz złoŭžyvańni słužbovymi paŭnamoctvami ŭ pamiery nie mienš za 45 miljonaŭ rubloŭ», — raspaviali ŭ Śledčym kamitecie.
Ciapier z padazravanym pracujuć śledčyja.
«Śledstva chadajničaje pierad prakuroram ab užyvańni da słužbovaj asoby miery strymańnia ŭ vyhladzie zaklučeńnia pad vartu», — havorycca ŭ paviedamleńni SK.
Sankcyi pa hetym artykule praduhledžvajuć da 10 hadoŭ pazbaŭleńnia voli z kanfiskacyjaj majomaści.
Mabilny telefon kiraŭnika pres-słužby kłuba nie adkazvaje i aŭtamatyčna adpraŭlaje CMC-paviedamleńnie «Prabačcie, ja zaniaty. Patelefanujecie paźniej».
* * *
Siońnia ab vierahodnym zatrymańni Bieražkova paviedamiŭ sajt Tribuna.com.
U ofisie kłuba admovilisia dapamahčy skantaktavacca ź Bieražkovym i prapanavali vyjści na suviaź pa mabilnym telefonie.
Nahadajem, raniej kryminalnaja sprava była ŭzbudžanaja ŭ dačynieńni da hienieralnaha dyrektara «Dynama» Maksima Subotkina pa padazreńni ŭ pryčynieńni ŭronu ŭ asabliva bujnym pamiery. Mienavita paśla hetaha Bieražkoŭ byŭ pryznačany v.a. hienieralnaha dyrektara, a taksama praciahvaŭ vykonvać funkcyi hienieralnaha mieniedžara kłuba.
Ciapier čytajuć
Babaryka: Kali b my pieramahli — vajny va Ukrainie nie było b10
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»55
Kamientary