U Siryi byŭ zabity dvuchrazovy čempijon śvietu pa tajskim boksie Valdet Hašy, jaki viasnoj hetaha hoda ŭstupiŭ u šerahi terarystyčnaj hrupoŭki «Isłamskaja dziaržava» (ID). Pra heta paviedamlaje RUDAW.
Pra śmierć spartsmiena raspaviali členy jaho siamji. Pavodle ich słoŭ, Hašy byŭ zastreleny ŭ subotu, 4 lipienia, pry niavyśvietlenych abstavinach. U šerahach ID jon zajmaŭsia patrulavańniem terytoryi pablizu siryjska-tureckaj miažy. Isłamisty taksama vykarystoŭvali Hašy dziela ŭłasnaha pijaru: jon vykładvaŭ na svajoj staroncy ŭ Facebook fatahrafii z elemientami raskošy, što, pa zadumcy kiraŭnictva ID, pavinna było pryciahnuć novych členaŭ u šerahi arhanizacyi.
U červieni bajec sam paviedamiŭ ab dačynieńni da terarystyčnaj hrupoŭki. Na praciahu krasavika i traŭnia spartsmien z Hiermanii pavinien byŭ treniravacca na zborach u Tajłandzie, ale zamiest hetaha adpraviŭsia ŭ Siryju, dzie dałučyŭsia da ID.
Da adjezdu ŭ Siryju jon paśpieŭ adkryć u Šviejcaryi spartyŭnuju zału, u jakuju dapuskajucca tolki mužčyny-musulmanie. Na treniroŭkach zabaronienyja muzyka i niecenzurnyja łajanki.
Hašy — hramadzianin Hiermanii, jaki naradziŭsia ŭ Kosava, u 21 hod pačaŭ prafiesijnuju spartyŭnuju karjeru, za siem hadoŭ pravioŭ bolš za 150 dvubojaŭ, staŭ dvuchrazovym čempijonam śvietu i čempijonam Jeŭropy pa tajskim boksie.
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary