Viarchoŭny sud častkova zadavoliŭ pazoŭ kampazitara Aleha Moŭčana da śpiavački Anastasii Špakoŭskaj. Sud pryznaŭ parušeńnie Špakoŭskaj aŭtarskich pravoŭ Moŭčana. Havorka idzie pra epizod, kali biez zhody kampazitara była vykananaja pieśnia «Malitva».
Viarchoŭny sud z zajaŭlenych 18 młn rubloŭ kampiensacyi zadavoliŭ 9 młn rubloŭ. A taksama zadavoliŭ kampiensacyju vydatkaŭ na advakata ŭ pamiery 5 młn rubloŭ z 9 młn zajaŭlenych.
Kampiensacyju razam sa Špakoŭskaj pavinny vypłacić muzykanty Dźmitryj Charytanovič, Alaksiej Paŭłovič, Siarhiej Ščurko, jakija byli datyčnyja da aranžyroŭki pieśni «Malitva».
Aleh Moŭčan, kampazitar: «Sud siońnia pryniaŭ rašeńnie na maju karyść. Sud vyznačyŭ, što ja źjaŭlajusia adnaasobnym aŭtaram muzyki i ŭładalnikam vyklučnych pravoŭ.
Heta pieršaja precedentnaja sprava. Ja vielmi zadavoleny, jak usio skončyłasia. Ja spadziajusia, što inšyja aŭtary pahladziać i buduć užo śmialej dziejničać.
Ja pierakanaŭsia, što treba było iści ŭ sud. Treba raźvivać aŭtarskaje prava pavoli, pakrysie. Ja dumaju, što ŭsio budzie narmalna».
Alaksandr Samusieŭ, advakat Aleha Moŭčana: «Iskavyja patrabavańni byli zadavolenyja. Sustrečnyja iskavyja patrabavańni, zajaŭlenyja Špakoŭskaj, nie byli zadavolenyja. Sudom byŭ pryznany fakt najaŭnaści parušeńnia aŭtarskich pravoŭ. Sud vyznačyŭ pamier kampiensacyi, jakaja padlahaje spahnańniu z usich parušalnikaŭ. Ale ŭ ahulnym i cełym my rašeńniem zadavolenyja».
Ciapier čytajuć
U pieramovach z Koŭłam hetym razam biare ŭdzieł i Turčyn. Z amierykanskaha boku Śmit źmianiŭsia na Panika2
U pieramovach z Koŭłam hetym razam biare ŭdzieł i Turčyn. Z amierykanskaha boku Śmit źmianiŭsia na Panika
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu44
Kamientary