Rasijski apazicyjanier Hary Kasparaŭ, vystupajučy ŭ sieradu, 4 sakavika, na słuchańniach u Sienacie ZŠA, zaklikaŭ suśvietnuju supolnaść praciahnuć izalacyju prezidenta Rasii i padtrymać Ukrainu pastaŭkami zbroi.
DPA
«Niemahčyma damaŭlacca z rakavaj puchlinaj, — cytuje eks-čempijona śvietu pa šachmatach ahienctva AFP. — Jak i rakavaja puchlina, Uładzimir Pucin i jaho elity pavinny być vyrazanyja». Pa słovach apazicyjaniera, nieabchodna prymusić rasijskich aliharchaŭ, jakija padtrymlivajuć Pucina, adviarnucca ad jaho pad pahrozaj taho, što inakš jany sami apynucca pa-za hulnioj.
Kasparaŭ taksama ŭskłaŭ na Pucina adkaznaść za zabojstva apazicyjnaha palityka Barysa Niamcova.
«Barys Niamcoŭ byŭ zabity, tamu što heta mahło adbycca. Pucin i jaho elity ličać, što paśla 15 hadoŭ va ŭładzie dla ich niama ničoha niemahčymaha, niama takoj čyrvonaj rysy, jakuju jany nie mohuć pierasiekčy», - zajaviŭ jon.
Tema sienackich słuchańniaŭ była aficyjna paznačanaja jak «rasijskaja ahresija va Uschodniaj Jeŭropie». Havorka išła jak pra supraćstajańnie ŭkrainskaj armii i prarasijskich sieparatystaŭ na ŭschodzie Ukrainy, tak i pra napružanaj situacyi ŭ Małdovie i Hruzii. U jakaści hościa ŭ słuchańniach pryniaŭ udzieł eks-prezident Hruzii Michaił Saakašvili.
Kamientary