Missoni — italjanski brend luksavaha siehmienta rynku, jaki śpiecyjalizujecca na vytvorčaści mužčynskaha, žanočaha i dziciačaha adzieńnia, abutku i aksesuaraŭ. Taksama vypuskaje kupalniki, meblu, tekstyl i parfumieryju.
Prychilnikami brenda Missoni źjaŭlajucca Kemieran Dyjaz, Kiejt Midłtan, Diemi Mur, Alen Dełon, Dženifier Łopes, Sindzi Kroŭfard, Šeran Stoŭn, Ełtan Džon, Džulija Robierts, Džoni Dep, Meł Hibsan, Styvien Śpiłbierh, Łajza Mineli, Katryn Denioŭ i inš.
Krychu historyi. U 1953 h. Atavia i Razita Misoni na pieršym paviersie svajho doma stvaryli nievialikuju viazalnuju majsterniu i raspačali vypusk pałasatych trykatažnych tkanin. U 1966 h. aficyjna zarehistravali brend. U 1970-ch hh. trykataž Missoni byŭ pryznany ekśpiertami lepšym dyzajnierskim materyjałam. Kalekcyi brenda vystaŭlalisia ŭ muziejach Metropolitan Museum of Art u Ńju-Jorku i Museum of Costume u Vialikabrytanii.
U 2014 h. Missoni stvaryli anłajn-bucik, i nabyć ich pradukcyju stała mahčymym amal u 100 krainach śvietu.
Ciapier brend naležyć Valentino Group.
Što charakterna dla šmat jakich suśvietna znakamitych brendaŭ, Missoni pačynali svajo raźvićcio z zusim nialuksavaj pradukcyi — tkanin dla spartyŭnych kaściumaŭ. Atavia byŭ prafiesijnym spartoŭcam, jamu naležać 8 nacyjanalnych spartyŭnych uznaharod pa lohkaj atletycy.
Pośpiech svajho pradpryjemstva ŭładalniki Missoni bačać u vynachodnictvie lohka paznavalnaha, unikalnaha stylu, u asnovie jakoha lažyć usiaho tolki vyjava zihzaha.
Zihzah akazaŭsia nastolki emacyjna mocnym znakam, što zabiaśpiečyŭ kampanii pośpiech na praciahu bolš čym 60 hadoŭ. Dalejšaje raźvićcio brenda razhladajecca ŭ napramku zachavańnia hetaha firmovaha znaka ź minimalnymi źmienami pa adnaŭleńni štohod. Tyražavańnie zihzaha pryniesła firmie luboŭ modnikaŭ z usiaho śvietu, i admaŭlacca ad hetaj linii było b dziŭna.
Kampanija supracoŭničaje z vytvorcami dyzajnierskich praduktaŭ, zaklučaje kantrakty na limitavanyja sieryi z vykarystańniem ich firmovaha ŭzoru. Na rachunku Missoni ekskluziŭnyja kalekcyi kresłaŭ, kapsulnaja kalekcyja žanočych naručnych hadzińnikaŭ dla ToyWatch, darožnyja aksesuary dla marki Bric's, kapsulnaja kalekcyja dziciačych kalasak Bugaboo, nižniaja bializna, abutak i navat čachoł ź zihzahapadobnymi pryntami dla butelek minieralnaj vady S.Pellegrino.
Ideja ekspłuatavać zihzah naležyć Razicie i źjaviłasia nie adrazu, ale mienavita dziakujučy hetamu malunku Missoni staŭ nievierahodna papularnym i znakamitym. Da jaho źjaŭleńnia kampanija vyrablała pałasatyja tkaniny i nie była šyroka viadomaja. Paspryjaŭ pośpiechu i skandał z madelami, što vyjšli na podyum u sukienkach Missoni biez stanikaŭ.
Novyja pierśpiektyvy biźniesu adkrylisia dla brenda ŭ 2005 h. — kampanija Missoni padpisała kantrakt z kampanijaj Rezidor SAS na budaŭnictva hatelaŭ.
U 2009 h. Missoni adkryli svoj pieršy piacizorkavy hatel u Edynburhu, Šatłandyja. U afarmleńni hatela vykarystany firmovyja ŭzory tkanin ułasnaha brenda, a taksama mebla i aksesuary suśvietna znakamitych dyzajnieraŭ, takich jak Marsel Vanders, Eera Saarynien i Arne Jakabsen. Restaran hatela ŭpryhožvaje šklany i parcalanavy posud Missoni.
Kancepcyju stylu jany pa-majstersku pieraŭtvaryli ŭ kancepcyju haścinnaści.
Nastupnyja hateli byli adkrytyja ŭ Amanie, Brazilii, Turcyi i Kuviejcie. Tolki lepšyja vidy na uźbiarežža i košty ad 280 jeŭra.
Tut samy čas pahavaryć pra svajo. Samabytnyja, rodnyja tkaniny, raskidanyja pa etnahrafičnych muziejach i vioskach, čakajuć nie tolki redkich vizitaŭ u muziei, ale i peŭnych krokaŭ pa adradžeńni z vykarystańniem sučasnych mietadaŭ brendavańnia. Soramna impartavać zamiežnaje, kali majem takoje ž svajo.
***
Čytajcie taksama: Ručnik suprać Burberry. Čas nastupać
Kamientary