Pryčynaj incydentu staŭ ałkahol. Spačatku pasažyr nierazborliva myčaŭ, a potym pačaŭ bić kiroŭcu pa hałavie prosta padčas ruchu pa ažyŭlenaj darozie.
U toj dzień u pasiołku Biarozki sustrelisia troje siabroŭ, jakija daŭno nie bačylisia. Na kožnaha pryjšłosia pa plašcy harełki. Kali vypiŭka skončyłasia, hości pačali razychodzicca i vyklikali taksi piša belkagomel.by.
Zakaz pryniaŭ 61‑hadovy kiroŭca. Jon zaŭvažyŭ, što jaho pasažyry ledź trymajucca na nahach, ale ŭsio ž zhadziŭsia ich vieźci. Pieršaja častka šlachu prajšła spakojna: adzin pasažyr vyjšaŭ u Navabielickim rajonie, a druhi praciahnuŭ šlach u Saviecki rajon.
Na moście praz Sož apošni 47‑hadovy pasažyr pačaŭ paŭtarać niezrazumiełuju frazu. Kali kiroŭca spytaŭ, što adbyvajecca, mužčyna raptam pačaŭ bić jaho pa hałavie. Taksist nie zmoh abaranicca, bo byŭ zasiarodžany na tym, kab paźbiehnuć avaryi. U vyniku jon zavioz ahresara nie dadomu, a ŭ adździeł milicyi.
U sud nakiravana kryminalnaja sprava pa fakcie chulihanstva, a apjanieńnie ŭličana jak dadatkovaja akaličnaść», — raspavioŭ padrabiaznaści kryminalnaj spravy pamočnik prakurora horada Homiela Dzianis Samafałaŭ.
Ciapier čytajuć
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki7
Kamientary