Žychara Ivacevičaŭ vyhnali sa škoły za toje, što kuplaŭ smažanki
Mužčyna chacieŭ kupić synu smažanki ŭ školnaj stałoŭcy, ale sutyknuŭsia z zabaronami.
Žychar Ivacevičaŭ vykłaŭ u TikTok videa, dzie raskazaŭ, jak jaho vyhaniali sa škoły, apisvaje BG.Media. Pavodle jaho słoŭ, jon čakaŭ syna i vyrašyŭ zajści ŭ stałoŭku, kab što-niebudź kupić małomu. Pakazaŭ dakumienty achoŭniku, toj zanatavaŭ jaho danyja i prapuściŭ u stałoŭku, dzie mužčyna ŭziaŭ dźvie smažanki.
«Tut vybiahaje niejkaja žančyna, nie pradstaviłasia i raspačała isteryku: «Chto jon taki, chto jaho siudy puściŭ, tudy-siudy, pa škole ruch zabaronieny». Ledźvie taho achoŭnika z pracy nie vyhnała. Ja kažu: «Cišej, cišej, kudy vas niasie, supakojciesia, nie niervujciesia, ja prosta zajšoŭ dziciaci kupić smažanki. U vas zabaroniena chadzić — dyk pavieście abviestku, na ŭsiu škołu, što zabaroniena, AMAP pastaŭcie pobač, z sabakami! Adkul ja viedaŭ! Mianie achoŭnik puściŭ! Nie pahladzieć, ničoha — u škołu nie puskajuć, tolki na vulicy čakaj dzicionka», — paskardziŭsia jon.
Mužčyna skazaŭ, što nastupnym razam zapatrabuje ŭ administracyi škoły zakon, dzie budzie prapisana — čamu jon musić zdavać makułaturu ŭ škołu.
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki7
Kamientary